Bhola Shankar : మెగాస్టార్ చిరంజీవి గాడ్ ఫాదర్, వాల్తేరు వీరయ్య వంటి వరుస సూపర్ హిట్ చిత్రాలతో ఫుల్ జోషులో ఉన్నారు. అదే స్పీడులో వరుస సినిమాలు చేస్తున్నారు. సెకండ్ ఇన్నింగ్స్ మొదలు పెట్టిన తర్వాత సెలక్టివ్ కథలు ఎంచుకుంటూ విజయాలు సాధిస్తున్నాడు. ఈ క్రమంలోనే పలు భాషల్లో సూపర్ హిట్ సాధించిన చిత్రాలను రీమేక్ చేస్తూ ఇక్కడ హిట్స్ కొట్టేస్తున్నాడు. కొత్త ఇన్నింగ్స్ లో చిరు తన యంగ్ మెగాస్టార్ ను నిద్ర లేపినట్లు అనిపిస్తున్నాడు. త్వరలోనే ఆయన భోళా శంకర్ గా ప్రేక్షకులను పలకరించబోతున్నాడు.
ఈ సినిమాకు మెహర్ రమేష్ దర్శకత్వం వహిస్తుండగా.. మిల్కీ బ్యూటీ తమన్నా చిరు సరసన నటిస్తోంది. అంతే కాకుండా కథకు ప్రాధాన్యం ఉన్న చిరంజీవి చెల్లెలి పాత్రలో మహానటి ఫేం కీర్తి సురేష్ నటిస్తోంది. తన భర్తగా యంగ్ హీరో సుశాంత్ నటిస్తున్నాడు. అయినే కీర్తి సురేష్ పాత్ర విషయానికి సంబంధించి ఆసక్తికరమైన చర్చ నడుస్తోంది. కీర్తి కంటే ముందు దర్శకుడు మెహర్ రమేష్ ఆ పాత్ర కోసం ఓ స్టార్ హీరోయిన్ అనుకున్నారట. కానీ ఆమెకు కథ చెప్పడానికి వెళ్లినప్పుడు.. వినకుండానే ఆమె ఈ సినిమాను రిజెక్ట్ చేసిందట. ఆమె మరెవరో కాదు సాయిపల్లవి.
రీమేక్ సినిమాలో నటించకూడదని సినిమాలోకి ఆరంగేట్రం సమయంలోనే నిర్ణయించుకుందట సాయి. అందుకే సాయి పల్లవి ఈ పాత్రను రిజెక్ట్ చేసినట్టు లవ్ స్టోరీ సినిమా ప్రమోషన్స్ సమయంలో ఆమె చెప్పుకొచ్చింది. మెగాస్టార్ సినిమాలో అదీ తన చెల్లెలి పాత్రను మిస్ చేసుకుందని అభిమానులు ఆమెను ట్రోల్ చేస్తున్నారు. ఇప్పటికే రిలీజ్ అయిన భోళాశంకర్ ట్రైలర్ సినిమాపై హై లెవల్ ఎక్స్ పర్టేషన్స్ పెంచేసింది. ఆగస్టు 11న ప్రపంచవ్యాప్తంగా ప్రేక్షకుల కోసం థియేటర్లలోకి రాబోతుంది భోళాశంకర్ మూవీ.