యంగ్ రెబెల్ స్టార్ ప్రభాస్ హీరో గా నటించిన లేటెస్ట్ చిత్రం ‘సలార్’ సంబంధించిన టీజర్ ఈరోజు ఉదయం తెల్లవారు జామున 5 గంటల 14 నిమిషాలకు విడుదల చేసారు. ఈ టీజర్ కి ఫ్యాన్స్ మరియు ఆడియన్స్ నుండి సెన్సేషనల్ రెస్పాన్స్ వచ్చింది. కేవలం 7 గంటల్లోనే 1 మిలియన్ కి పైగా లైక్స్, 25 మిలియన్ కి పైగా వ్యూస్ ని దక్కించుకున్న ఈ టీజర్, ఇండియా లోనే ఫాస్టెస్ట్ రికార్డ్స్ అన్నిటికీ మంగళం పాడేసింది.
కచ్చితంగా ఈ చిత్రం బాహుబలి 2 రికార్డ్స్ ని అవలీల గా దాటేసి, ఆల్ టైం రికార్డ్స్ సృష్టించి సరికొత్త బెంచ్ మార్క్ ని ఏర్పాటు చేస్తుందని ఫ్యాన్స్ తో పాటుగా ఆడియన్స్ కూడా బలంగా నమ్ముతున్నారు. ఇదంతా పక్కన పెడితే ‘సలార్’ చిత్రానికి మరియు KGF సిరీస్ కి లింక్ ఉంటుందని మొదటి నుండి సోషల్ మీడియా లో వినిపిస్తున్న వార్త. మేకర్స్ కూడా ఒక పెద్ద వెర్స్ ని ప్లాన్ చేస్తున్నామని, రాకీ భాయ్ కి త్వరలో ప్రశాంత్ నీల్ తెరకెక్కిస్తున్న సినిమాలకు లింక్స్ ఉంటాయని ఒక హింట్ ఇచ్చాడు.
ఈరోజు ‘సలార్’ టీజర్ ని క్షుణ్ణంగా పరిశీలిస్తే అది నిజమేనేమో అని అనిపిస్తుంది. KGF చాప్టర్ 2 క్లైమాక్స్ అయిపోయిన తర్వాత ఎండ్ క్రెడిట్స్ అయిపోయాక ఒక సన్నివేశం ఉంటుంది. అక్కడ పార్ట్ 3 కి లీడ్ ఇస్తున్నట్టుగా డైరెక్టర్ ప్రశాంత్ నీల్ ఒక హింట్ ఇస్తాడు. అక్కడ కనిపించే ఆఫీస్ మరియు నేడు విడుదలైన సలార్ టీజర్ లో ఆఫీస్ ఒకటే అని అర్థం అవుతుంది.
ఇది KGF సినిమాని తీసిన స్పాట్ లోనే తీసారా?, లేకపోతే రాకీ భాయ్ తో సలార్ కి లింక్ ఉందా అనేది తెలియాల్సి ఉంది. ఒకవేళ అందరూ అనుకున్నట్టుగానే వీళ్లిద్దరికీ లింక్ ఉంటే మాత్రం బాక్స్ ఆఫీస్ విద్వంసం ని ఇది వరకు ఎవ్వరూ చూడని రేంజ్ లో ఉంటుంది, భవిష్యత్తులో రాజమౌళి లాంటి దర్శకులు కూడా ఆ రికార్డు ని అందుకోలేరు అని చెప్పడం లో ఎలాంటి అతి సయోక్తి లేదు.