Guess The Actor క్రింది ఫోటో లో కనిపిస్తున్న పవన్ కళ్యాణ్ లుక్ బాలు సినిమా టైం లోనిది అని ఎవరైనా పసిగట్టగలరు.కానీ ఆ ఫోటో లో పవన్ కళ్యాణ్ పక్కన నిల్చున్న ఆ బుడ్డోడు ఎవరో గుర్తు పట్టారా..?, ఇతను ఇప్పుడు ఒక యంగ్ హీరో గా మరియు డైరెక్టర్ గా టాలీవుడ్ లో దూసుకుపోతున్నాడు. స్టార్ హీరో అయ్యేందుకు అన్నీ విధాలుగా ఫిజికల్ లుక్స్ మరియు టాలెంట్ ఉన్న ఈ కుర్రాడి పేరు విరాజ్ అశ్విన్.
ఇతను హీరో గా నటించిన లేటెస్ట్ చిత్రం ‘మాయ పేటిక’ రీసెంట్ గానే విడుదలైంది. ఈ సినిమా ఆశించిన స్థాయిలో ప్రేక్షాదరణ పొందలేదు కాదు, హీరో విరాజ్ అశ్విన్ కి మాత్రం మంచి పేరు ప్రఖ్యాతలు తెచ్చిపెట్టింది. ఈ కుర్రోడు ఎవరో చాలా చురుగ్గా ఉన్నాడు. భవిష్యత్తులో మరో విజయ్ దేవరకొండ లాంటి హీరో గా మారొచ్చు. యూత్ లో మంచి క్రేజ్ తెచ్చుకునే కెపాసిటీ ఉంది అంటూ పొగడ్తలతో ముంచి ఎత్తుతున్నారు.
ఇప్పుడు ఇతను విజయ్ దేవరకొండ తమ్ముడు ఆనంద్ దేవరకొండ తో కలిసి ‘బేబీ’ అనే చిత్రం లో నటించాడు. ఈ చిత్రం ఈ నెల 14 వ తేదీన ప్రేక్షకుల ముందుకు రాబోతుంది. ఇప్పటికే ఈ సినిమాకి సంబంధించిన టీజర్ , పోస్టర్స్ మరియు పాటలు సినిమా మీద అంచనాలను అమాంతం పెంచేసాయి. ఇక మొన్న విడుదల చేసిన పోస్టర్ లో హీరోయిన్ తన పేదలకు షుగర్ అంటించుకొని, నోట్లో బ్లేడ్ పెట్టుకొని హీరో గెడ్డం ని కట్ చేస్తున్నట్టుగా పెట్టిన ఒక స్టిల్ సోషల్ మీడియా లో ఒక సెన్సేషన్ గా మారింది.
ఎక్కడ చూసిన ఆ స్టిల్ గురించే చర్చ. కొంతమంది పాజిటివ్ గా మాట్లాడగా, మరికొంత నెగటివ్ రియాక్షన్ ఇచ్చారు. ఎదో విధంగా ఈ సినిమా ఇప్పుడు సోషల్ మీడియా లో ట్రెండ్ అవుతూనే ఉంది.మరి భారీ అంచనాల నడుమ విడుదల అవుతున్న ఈ బేబీ సినిమా ‘విరాజ్ అశ్విన్’ కి కెరీర్ లో ఒక పెద్ద టర్నింగ్ పాయింట్ గా నిలుస్తుందో లేదో చూడాలి.
