మెగా పవర్ స్టార్ రామ్ చరణ్ కి మూగ జీవాల మీద ఎంతో ప్రత్యేకమైన ఇష్టం ఉన్న సంగతి మన అందరికీ తెలిసిందే. చిన్నప్పటి నుండి ఆయన ఇంట్లో గుర్రాలను పెంచుకునేవాడు, వాటి మీద స్వారీ చేస్తూ టాలీవుడ్ లో ఏ హీరోకి కూడా సాధ్యపడని రేంజ్ హార్స్ రైడర్ గా నిలిచాడు. ఇక ఈ మధ్య కాలం లో ఆయన ‘రైమ్’ అనే పెంపుడు కుక్కతో ఎక్కువగా కనిపిస్తున్న సంగతి అందరికీ తెలిసిందే.
ఎక్కడకి వెళ్లిన కూడా ఈ బొమ్మ లాగ ఉండే కుక్క రామ్ చరణ్ పక్కన ఉండాల్సిందే. అంత ప్రేమ అభిమానం పెంచుకున్నాడు రైమ్ మీద. #RRR మూవీ ప్రొమోషన్స్ లో కూడా రైమ్ హడావుడి మామూలు రేంజ్ లో ఉండదు. తెలుగు , హిందీ , తమిళం ,మలయాళం మరియు కన్నడ ఇలా అన్నీ భాషలకు ఇచ్చిన ఇంటర్వ్యూస్ లో రామ్ చరణ్ తో ఈ రైమ్ ఉండాల్సిందే.
ఇప్పుడు రీసెంట్ గా బిడ్డ పుట్టిన తర్వాత కూడా రైమ్ ని వదలలేదు రామ్ చరణ్. ఉపాసన పాపని పట్టుకుంటే, రామ్ చరణ్ రైమ్ ని తన ఒళ్ళో కూర్చోపెట్టుకున్నాడు. అసలు ఎవరు ఈ రైమ్, చూసేందుకు అచ్చం ఆదుకునే బొమ్మలాగా కనిపించే ఈ కుక్క విలువ ఎంత, ఇది ఏ బ్రీడ్ చెందిన కుక్క అనేది ఇప్పుడు మనం చూడబోతున్నాము. ఈ జాతి కుక్కలను ‘టాయ్ పూడెల్’ అనే పేరుతో పిలుస్తారు.
ఈ కుక్క విలువ 1200 నుండి 2000 అమెరికన్ డాలర్లు ఉంటుంది. ఇండియన్ కరెన్సీ లెక్కల్లో చూస్తే 98000 రూపాయిల నుండి 164000 రూపాయిల రేంజ్ అన్నమాట. దీనిని మనలాంటి సామాన్యులు కొనలేరు, అమెరికా లో స్థిరపడిన NRI లు , లేదా పెద్ద పెద్ద సెలెబ్రిటీలు మాత్రమే కొంటూ ఉంటారు. రామ్ చరణ్ ని చూసి ఈ జాతి కుక్కలను కొన్నవాళ్ళు కూడా చాలా మంది ఉన్నారు.
