‘జబర్దస్త్’ షో ద్వారా విపరీతమైన పాపులారిటీ తెచ్చుకున్న వ్యక్తి ఎవరంటే.. సుడిగాలి సుధీర్. అంతకుముందు చిన్న.. చిన్న మ్యాజిక్‌లు చేసే సుధీర్.. ఈ షోతో స్టార్‌గా అవతరించాడు. అతడికి ఓ రేంజ్‌లో ఫ్యాన్ ఫాలోయింగ్ పెరిగిపోయింది. ఆ తర్వాతి కాలంలో సినిమాల్లో చిన్న చిన్న రోల్స్ చేశాడు. పాపులారిటీ పెరగడంతో హీరోగానూ ఫేట్ టెస్ట్ చేసుకున్నాడు. అయితే మొదట అపజయాలే ఎదురయ్యాయి. గాలోడు చిత్రంలో ఓ మీడియం హిట్ అందుకున్నాడు.
దీంతో ఆచితూచి అడుగులు వేస్తున్న సుధీర్.. తన నాలుగవ సినిమాను ఇటీవలే లాంచ్ చేశాడు. ‘పాగల్’ మూవీ తీసిన దర్శకుడు నరేష్ కుప్పిలి డైరక్షన్‌లో ‘GOAT- గ్రేటెస్ట్ ఆఫ్ ఆల్ టైమ్స్’ అనే సినిమా చేస్తున్నాడు. సుధీర్ సరసన దివ్య భారతి హీరోయిన్‌గా నటిస్తుంది. ఇక సుధీర్‌ను యూట్యూబ్‌ స్టార్ అని అతని ఫ్రెండ్స్ ఆట పట్టిస్తూ ఉంటారు. యూట్యూబ్‌లోని అన్ని వీడియోలు కింద సుధీర్ ఫ్యాన్స్ కామెంట్స్ పెడుతూ ఉంటారు. అందుకే అతడితో అలా కామెడీ చేస్తారు ఇతర ‘జబర్దస్త్’ కమెడియన్స్. సోషల్ మీడియాలో ఓ రేంజ్‌ ఫాలోయింగ్ ఉంది ఈ సుడిగాలి సుధీర్‌కు.
కాగా జబర్దస్త్ కమెడియన్ టాలీవుడ్ హీరో సుడిగాలి సుదీర్ కి ఇన్స్టాగ్రామ్ లో 1.3 మిలియన్ల ఫాలోవర్లు ఉన్నారు. కానీ సుడిగాలి సుదీర్ మాత్రం కేవలం ఒకే ఒక్కరిని ఫాలో అవుతూ ఉండడం గమనార్హం. అయితే ఆ ఒక్కరు ఎవరో గెస్ట్ చేయండి అంటే.. తప్పకుండా రష్మీ అయి ఉంటుందని అందరూ అనుకుంటారు. కానీ ఆమె కాదు.. సుడిగాలి సుదీర్ ఫాలో అవుతున్న ఏకైక వ్యక్తి టాలీవుడ్ మెగాస్టార్ చిరంజీవి. మెగాస్టార్ ను స్ఫూర్తిగా తీసుకొని ఇండస్ట్రీకి వచ్చిన వారిలో సుడిగాలి సుదీర్ కూడా ఒకరు. అందుకే ఆయన ఇన్స్పిరేషన్ అయిన మెగాస్టార్ ఒక్కడినే ఫాలో అవుతున్నాడు సుధీర్. ఇక ఇది చూసిన వారంతా రష్మికి షాక్ ఇచ్చవన్నా అని అంటున్నారు.