RRR మూవీ లో స్కాట్ దొర గా నటించిన రేయ్ స్టీవెన్ సన్ ని అంత తేలికగా మర్చిపోగలమా.ఈ చిత్రం లో ఆయన విలనిజం తో ప్రేక్షకులకు కోపం తెప్పించేస్తాడు. హాలీవుడ్ నటుడు అయ్యినప్పటికీ తెలుగు ఆడియన్స్ కి మరియు ఇండియన్ ఆడియన్స్ కి ఎంతో నచ్చే విధంగా ఆయన ఈ చిత్రం లో తన హావభావాలను పలికించాడు, హాలీవుడ్ లో అత్యధిక పారితోషికం తీసుకునే నటులలో ఒకరైన రేవ్ స్టీవెన్ సన్ నేడు తన తుదిశ్వాస ని విడిచాడు.
ఇటలీ లో ఒక సినిమా షూటింగ్ చేస్తుండగా, ఒక రిస్కీ స్టంట్ లో ఆయన తన ప్రాణాలను కోల్పోయినట్టు సమాచారం. స్పృహ తప్పి పడిపోయి ఉన్న స్టీవెన్ సన్ ని వెంటనే హాస్పిటల్ కి తీసుకొని పోగా అప్పటికే ఆయన మరణించాడని డాక్టర్లు నిర్ధారించారు. దీనితో ప్రపంచవ్యాప్తంగా ఉన్న రేయ్ స్టీవెన్ సన్ అభిమానులు శోక సంద్రం లో మునిగిపోయారు.
రేవ్ స్టీవెన్ సన్ మనకి #RRR చిత్రం ద్వారానే పరిచయం అయ్యి ఉండొచ్చు. కానీ ఈ సినిమాకి ముందే ఆయన ఇండియన్ బాక్స్ ఆఫీస్ వద్ద సంచలనం సృష్టించిన ‘థోర్’ చిత్రం ద్వారా మనకి పరిచయం అయ్యాడు. హాలీవుడ్ లో ఈయన యాక్షన్ హీరోగా ఒకానొక దశలో మంచి గుర్తింపుని తెచ్చుకున్న రేయ్ స్టీవెన్ సన్ , ఆ తర్వాత సెకండ్ ఇన్నింగ్స్ లో నెగటివ్ రోల్స్ ద్వారా కూడా మంచి గుర్తింపు తెచ్చుకున్నాడు.
థోర్ మరియు #RRR చిత్రాల తర్వాత ఆయనకీ మంచి పేరు ప్రఖ్యాతలు తెచ్చిపెట్టిన చిత్రం ‘పనిషర్ : ది వార్ జోన్’. 2019 వ సంవత్సరం లో విడుదలైన ఈ సినిమా హాలీవుడ్ బాక్స్ ఆఫీస్ వద్ద కలెక్షన్ల వర్షం కురిపించింది. అలా ఎన్నో విభిన్నమైన పాత్రల ద్వారా ప్రపంచం లో ఉన్న సినీ అభిమానులందరినీ అలరించిన రేయ్ స్టీవెన్ సన్ ఇలా మరణించడం యావత్తు సినీ లోకాన్ని శోకసంద్రం లోకి నెట్టేసింది, ఆయన ఆత్మ ఎక్కడున్నా శాంతి ని కోరుకోవాలని దేవుడికి ప్రార్థన చేద్దాము.
