టాలీవుడ్ లో కొంతమంది హీరో అతి తక్కువ సినిమాలతోనే యూత్ ని ప్రభావితం చేస్తారు, ఆ తర్వాత పలు సూపర్ హిట్ సినిమాలలో కనిపించిన, ఒకే ఒక్క పెద్ద డిజాస్టర్ తగిలితే ఇండస్ట్రీ నుండి మాయం అయిపోయిన హీరోలు ఎంతో మంది ఉన్నారు, అలాంటి హీరోలలో ఒకడు వినీత్.అప్పట్లో ఈయనకి యూత్ లో మంచి క్రేజ్ ఉండేది, సినిమాలు కూడా యూత్ కి దగ్గరయ్యేవే తీసేవాడు.
‘సరిగమలు’ అనే చిత్రం ద్వారా ఇండస్ట్రీ కి హీరోగా పరిచయమైనా వినీత్, ఆ తర్వాత ‘ప్రేమదేశం’ అనే సినిమా తో ఎంత పెద్ద సక్సెస్ ని తన ఖాతాలో వేసుకున్నాడో మన అందరికీ తెలిసిందే.అప్పట్లో ఈ సినిమా ఒక ప్రభంజనం,యూత్ మొత్తం వెర్రెత్తి పోయారు.ఆ తర్వాత తెలుగు , తమిళం మరియు మలయాళం బాషలలో వినీత్ వరుసగా హీరోగా సినిమాలు చేస్తూ దూసుకొచ్చాడు, క్రేజ్ కూడా బాగా వచ్చింది.
కానీ మధ్యలో రెండు మూడు డిజాస్టర్ ఫ్లాప్ సినిమాలు రావడం తో ఈయనని హీరో గా పెట్టి సినిమాలు చెయ్యడానికి దర్శక నిర్మాతలు ఆసక్తి చూపించలేదు. ఆయన హీరో గా కనిపించిన చివరి తెలుగు చిత్రం ‘థాంక్స్’.ఆ తర్వాత ఆయన మళ్ళీ వెండితెర మీద కనిపించలేదు.ఇదంతా పక్కన పెడితే వినీత్ గురించి ఎవరికీ తెలియని ఒక ఆసక్తికరమైన విషయం ఇప్పుడు సోషల్ మీడియా లో వైరల్ గా మారింది.
అదేమిటంటే వినీత్ అక్క కూడా ఒక పెద్ద స్టార్ హీరోయిన్, ఆమె మరెవరో కాదు శోభన. అప్పట్లో ఈమె చిరంజీవి, వెంకటేష్ , నాగార్జున మరియు కమల్ హాసన్ లాంటి ఎంతో మంది స్టార్ హీరోల సరసన నటించిన సంగతి తెలిసిందే. క్లాసికల్ డ్యాన్సర్ గా కూడా ఈమెకి మంచి పేరుంది. విక్రమ్ అనే సినిమా తో కెరీర్ ని ప్రారంభించిన శోభన, 2009 వ సంవత్సరం వరకు యాక్టీవ్ గా సినిమాలు చేసింది. ఆ తర్వాత అప్పుడప్పుడు మాత్రమే చేసింది,అలా ఆమె 2020 వ సంవత్సరం లో కూడా ఒక తమిళ సినిమాలో నటించింది.
