Priyanka Arul Mohan .. ఈ మలయాళీ కుట్టి టాలీవుడ్లో నేచురల్ స్టార్ నాని సినిమాతో ఎంట్రీ ఇచ్చింది. గ్యాంగ్ లీడర్ సినిమాలో ఈ భామ అందం, అభినయానికి తెలుగు కుర్రాళ్లు ఫిదా అయ్యారు. ఆ చిత్రంలో ట్రెడిషనల్ లుక్లో ప్రియాంకను చూసి మెస్మరైజ్ అయ్యారు. ఈ బ్యూటీ కళ్లకు ఓ సపరేట్ ఫ్యాన్ బేసే ఉంది. ఈ భామను తొలి సినిమాలోనే చూసి తెలుగు కుర్రకారు ప్రేమలో పడిపోయారు. ఆ తర్వాత ఈ బ్యూటీ శర్వానంద్తో కలిసి శ్రీకారంలో నటించింది. ఈ మూవీలో కాస్త మోడ్రన్ లుక్లో సందడి చేసింది. మోడ్రన్ లుక్లోనూ ప్రియాంక తెలుగు ప్రేక్షకులను మెప్పించింది.
ఇప్పుడు టాలీవుడ్లో ముచ్చటగా మూడో సినిమా చేయడానికి రెడీ అయింది ప్రియాంక. అయితే థర్డ్ సినిమాకే ఈ బ్యూటీ ఏకంగా పవర్ స్టార్ పవన్ కల్యాణ్ సరసన నటించే ఛాన్స్ కొట్టేసింది. పవర్ స్టార్ పవన్-సుజిత్ కాంబోలో తెరకెక్కుతున్న సినిమాలో ప్రియాంక నటిస్తున్నట్లు ఇటీవలే అధికారిక ప్రకటన వెలువడింది. ఈ విషయాన్ని సినిమా నిర్మాణ సంస్థ డీవీవీ ఎంటర్టైన్మెంట్స్ ప్రకటించింది.
ఇన్ని రోజులుగా పవన్ కల్యాణ్ ఓజీ సినిమాలో హీరోయిన్గా ఎవరు నటిస్తున్నారన్న సస్పెన్స్కు ఒక్కసారిగా తెరపడింది. ట్విటర్ వేదికగా ప్రియాంకకు సెట్స్లోకి వెల్కమ్ చెప్పింది. అయితే గత కొద్ది రోజులుగానే ప్రియాంక ఈ సినిమాలో నటించమనుందన్న వార్త సోషల్ మీడియాలో తెగ ట్రెండ్ అయ్యింది. అయితే ఈ అఫీషియల్ అనౌన్స్మెంట్ ఇది నిజమే అని అభిమానుల్లో క్లారిటీ వచ్చింది.
ఇక ఈ భామ సోషల్ మీడియాలోనూ చాలా పాపులర్. ఇక పవన్ కల్యాణ్తో సినిమా అనేసరికి ఈ భామ ఫాలోయింగ్ మరింత పెరిగిపోయింది. అందుకు తగ్గట్టుగానే ఈ బ్యూటీ తరచూ ఫొటోషూట్స్ చేస్తూ ప్రేక్షకులను అలరిస్తోంది. తాజాగా ఈ భామ వైట్ కలర్ ఔట్ఫిట్లో సందడి చేసింది. ఫారెస్ట్లో ప్రకృతిని ఎంజాయ్ చేస్తూ ప్రియాంక క్రేజీ పోజులిచ్చింది. సిగ్గు పడుతూ.. క్యాజువల్ గా.. క్యూట్గా ఇలా రకరకాల పోజులతో ఫొటోలు దిగింది. అవికాస్త నెట్టింట షేర్ చేయడంతో తెగ వైరల్ అవుతున్నారు.