Ugramm Trailer Review : రాజేంద్ర ప్రసాద్ తర్వాత కామెడీ సినిమాలకు ఒక బ్రాండ్ ఇమేజి గా మారిన హీరో అల్లరి నరేష్..ఈయన సినిమాలకు ప్రత్యేకమైన ఆడియన్స్ ఉంటారు.ఈవీవీ సత్యనారాయణ కొడుకుగా ఇండస్ట్రీ లోకి అడుగుపెట్టిన నరేష్, తన తొలి సినిమా ‘అల్లరి’ నుండే కామెడీ జానర్ సినిమాలను చెయ్యడం ప్రారంభించాడు.అలా ప్రారంభమైన అల్లరి నరేష్ కెరీర్ లో ఎన్నో హిట్లు మరియు సూపర్ హిట్లు తగిలాయి.
అయితే ఒకానొక దశలో అవి ఆడియన్స్ కి రొటీన్ అయిపోవడం తో, అల్లరి నరేష్ రూట్ మార్చి కంటెంట్ ఓరియెంటెడ్ సినిమాలను మాత్రమే చేస్తూ వచ్చాడు.ఆ ప్రయత్నం లోనే ఆయన చేసిన మరో చిత్రం ‘ఉగ్రం’.ఈ చిత్రం లో ఆయన ఒక పవర్ ఫుల్ పోలీస్ ఆఫీసర్ పాత్రని పోషించాడు.నేడు ఆ చిత్రం ట్రైలర్ విడుదల అయ్యింది.మరి అల్లరి నరేష్ లోని కొత్త యాంగిల్ చూసిన ఆడియన్స్ ఏమంటున్నారు..?, ఆ ట్రైలర్ అందరికి నచ్చే విధంగా ఉందో లేదో ఒకసారి చూద్దాము.
ట్రైలర్ ప్రారంభం నుండే ఇంటెన్సివ్ గా ఉంటుంది.సిటీ లో వరుసగా ఆడవాళ్ళూ కిడ్నాప్ అవుతూ ఉంటారు.వారిలో అల్లరి నరేష్ భార్య , బిడ్డలు కూడా ఉంటారు.వారిని వెతికి పట్టుకునే క్రమం లో ఎదురైనా సంఘటనలే ఈ సినిమా అని ట్రైలర్ చూస్తే అర్థం అయిపోతుంది.సాధారణంగా ఇలాంటి క్రైమ్ యాక్షన్ సినిమాలను జనాలు బాగా ఆదరిస్తారు,అయితే అల్లరి నరేష్ ని జనాలు అంత పవర్ ఫుల్ రోల్ లో చూస్తారా లేదా అనే సందేహం ఉండేది.
కానీ ఈ ట్రైలర్ చూసిన తర్వాత ఆ సందేహాలన్నింటినీ పక్కన పెట్టేయొచ్చు. ఇందులో నరేష్ ఫైట్స్ కూడా ఆకట్టుకునే విధంగా ఉన్నాయి. ముఖ్యంగా చివర్లో వచ్చే కొన్ని యాక్షన్ షాట్స్ అద్భుతంగా ఉన్నాయి. అంతే కాదు ఈమధ్య హీరోలతో డైరెక్టర్స్ బూతులు మాట్లాడించడం ఒక ట్రెండ్ గా మారిపోయింది. నరేష్ చేత కూడా ఇందులో బూతులు మాట్లాడించారు. ఓవరాల్ గా ట్రైలర్ డీసెంట్ గా ఉంది, టాక్ వస్తే కచ్చితంగా ఈ చిత్రం నరేష్ కెరీర్ లో పెద్ద హిట్ గా నిలిచే అవకాశం ఉంది.