Comedian : టాలీవుడ్ లో ఎంతో మంది కమెడియన్స్ ఉండొచ్చు..కానీ డిఫరెంట్ టైమింగ్ మరియు మ్యానరిజం ఉన్న కమెడియన్స్ ని మాత్రం ప్రేక్షకులు ఎన్నేళ్లు అయినా మర్చిపోలేరు.అలాంటి కమెడియన్స్ లో ఒకరు సుమన్ శెట్టి.ప్రముఖ దర్శకుడు తేజ తెరకెక్కించిన సూపర్ హిట్ చిత్రం జయం ద్వారా ఇండస్ట్రీ కి పరిచయమైనా సుమన్ శెట్టి, ఆ తర్వాత ఎన్నో సూపర్ హిట్ సినిమాలలో కమెడియన్ గా నటించాడు.
మరో విశేషం ఏమిటంటే, ఇప్పటి వరకు ఎవరికీ సాధ్యం కానీ అరుదైన రికార్డు సుమన్ శెట్టి ఖాతాలో ఉంది.అదేమిటంటే తొలి సినిమాతోనే తన నంది అవార్డుని అందుకున్న ఏకైక కమెడియన్ గా సుమన్ శెట్టి నిలిచిపోయాడు.ఆరోజుల్లో తనకి నంది అవార్డు విలువ తెలిసేది కాదని, దాని విలువ తెలిసిన తర్వాత నంది అవార్డు కోసం ఎంత ప్రయత్నం చేసిన రావడం లేదని గతం లో సుమన్ శెట్టి పలు ఇంటర్వ్యూస్ లో తెలిపాడు.
ఇది ఇలా ఉండగా సుమన్ శెట్టి గత కొంతకాలం గా తెలుగు సినిమాలకు దూరంగా ఉంటూ వస్తున్నాడు.ఈ గ్యాప్ లో ఆయన గురించి సోషల్ మీడియా లో ఎన్నో రూమర్స్ ప్రారంభం అయ్యాయి.సుమన్ శెట్టి చనిపోయాడని ఒక రూమర్ అప్పట్లో సంచలనం రేపింది, ఆ తర్వాత కొన్ని రోజులకు సుమన్ శెట్టి కి అవకాశాలు లేక కిరానా కొట్టు పెట్టుకున్నాడు అంటూ కూడా రూమర్స్ వచ్చాయి.
అయితే కొద్దీ నెలలక్రితమే సుమన్ శెట్టి తన పై వచ్చిన రూమర్స్ పై ఒక ఇంటర్వ్యూ లో స్పందిస్తూ ‘మీకు డబ్బులు అవసరం అయితే నా దగ్గరకి రండి, ఎంతకావాలంటే అంత ఇస్తాను, అంతే కానీ మీ వ్యూస్ కోసం , డబ్బుల కోసం ఏది పడితే అది రాయొద్దు.నేను ప్రస్తుతం తమిళం , కన్నడ మరియు మలయాళం భాషల్లో సినిమాలు చేస్తున్నాను, అందుకే ఈమధ్య తెలుగు సినిమాలు మిస్ అయ్యాను’ అంటూ చెప్పొచ్చాడు.గత ఏడాది ఈయన కమెడియన్ గా నటించిన జెట్టి అనే కన్నడ చిత్రం విడుదలైంది.తెలుగు లో అవకాశాల కోసం ఎదురు చూస్తున్నాడు.
ఇది ఇలా ఉండగా సోషల్ మీడియా లో కొంతకాలం సుమ శెట్టి ఆర్థికంగా చాలా ఇబ్బంది పడుతున్నాడు లాంటి వార్తలు కూడా వచ్చాయి.దీనిపై సుమన్ శెట్టి స్పందిస్తూ, తనకి అసలు సినిమాల్లోకి రాకముందు ఆర్ధిక ఇబ్బందులు లేవు, వచ్చిన తర్వాత అసలు లేదు.ఎంతో సంతోషం గా జీవిస్తున్నాను అంటూ చెప్పుకొచ్చాడు.ఆయన చివరిసారిగా వెండితెర మీద కనిపించిన చివరి స్టార్ హీరో చిత్రం ‘సర్దార్ గబ్బర్ సింగ్’.పవన్ కళ్యాణ్ పిలిచిమరీ ఈ సినిమాలో అవకాశం ఇచ్చాడని సుమన్ శెట్టి ఎన్నో సందర్భాలలో తెలిపాడు.ఇండస్ట్రీ లో తనతో ప్రతీ ఒక్కరు ఎంతో బాగుంటారని, నేను తల్చుకుంటే వాళ్ళని అడిగి అవకాశాలు సంపాదించుకోవచ్చని, కానీ నాకు అలా ఇష్టం ఉండదు అంటూ సుమన్ శెట్టి సమాధానం ఇచ్చాడు.