Sai Ram Shankar : బ్యాక్ గ్రౌండ్ ఉన్నంత మాత్రాన ఇండస్ట్రీ లో సక్సెస్ కాలేరు, బోలెడంత టాలెంట్ మరియు అదృష్టం కూడా ఉండాలి.అవి రెండు లేకపోతే ఎంత పెద్ద ఫ్యామిలీ బ్యాక్ గ్రౌండ్ నుండి వచ్చినా సక్సెస్ కాలేరు అనడానికి నిదర్శనంగా నిలిచినా వాళ్ళు ఎంతో మంది ఇండస్ట్రీ లో ఉన్నారు.వారిలో పూరి జగన్నాథ్ తమ్ముడు సాయి రామ్ శంకర్ కూడా ఒకడు.ఇతనిని కెరీర్ ప్రారంభం లో ఇండస్ట్రీ లో హీరోగా నిలబెట్టడానికి పూరి జగన్నాథ్ ఎన్నో ప్రయత్నాలు చేసాడు.
కానీ హీరో గా ఒక్క సక్సెస్ ని కూడా ఇవ్వలేకపోయాడు సాయి రామ్ శంకర్.ఎన్నో బ్లాక్ బస్టర్ హిట్ సినిమాలను తీసిన పూరి జగన్నాథ్ స్వయంగా దర్శకత్వం వహిస్తూ తన తమ్ముడితో సినిమాలు చేసిన ఫలితం లేకుండా పోయింది.ఆ తర్వాత కొన్నాళ్ళు సినిమాలకు పూర్తిగా దూరం అయ్యాడు.కనీసం క్యారక్టర్ ఆర్టిస్టు రోల్స్ లో కూడా నటించలేదు.అతను చేసిన సినిమాలన్నిట్లో ‘నేనింతే’ చిత్రంలోని పాత్ర బాగా క్లిక్ అయ్యి ఆయనకీ మంచి పేరు తీసుకొచ్చింది.
అయితే ఇన్ని రోజులు సినిమాలకు దూరమైన సాయి రామ్ శంకర్ కనీసం మీడియా లో కూడా కనపడలేదు, అసలు ఏమయ్యాడు అనే సందేహం చాలా మందిలో ఉండేది.పూరి జగన్నాథ్ లాంటి అన్నయ్య ఉన్నాడు కాబట్టి ఎదో ఒక వ్యాపారం చేసుకుంటూ ఉంది ఉంటాడని అందరూ అనుకుంటూ ఉండేవారు..అలా అనుకుంటున్న సమయంలో లేటెస్ట్ గా ఆయన ‘వెయ్ దరువేయ్’ అనే సినిమాతో మన ముందుకొచ్చాడు.
స్టైలిష్ లుక్స్ తో ఒకప్పటి కంటే కాస్త బెటర్ డైలాగ్ డెలివరీ తో ప్రేక్షకులను ఆకట్టుకునే ప్రయత్నం చేసాడు.ఇటీవలే ఈ సినిమాకి సంబంధించిన టీజర్ ని విడుదల చెయ్యగా, పర్వాలేదు అనే రేంజ్ రెస్పాన్స్ వచ్చింది.ఆ టీజర్ ని మీరు కూడా క్రింద చూడండి.కెరీర్ లో ఒక్క సక్సెస్ కూడా లేకుండా సెకండ్ ఇన్నింగ్స్ ని ప్రారంభించిన సాయి రామ్ శంకర్,కనీసం ఈ సినిమాతో అయినా సక్సెస్ అందుకుంటాడా లేదా అనేది చూడాలి.