Bigg Boss Telugu ఎపిసోడ్స్ లో ఆడియన్స్ అందరూ ఎంతో ఆతృతగా ఎదురు చూసేది సోమవారం రోజు కోసమే. ఎందుకంటే ఆరోజు నామినేషన్స్ ప్రక్రియ ఉంటుంది. వారం మొత్తం జరిగిన సంఘటనల ఆధారంగా కంటెస్టెంట్స్ ఒకరిని ఒకరు నామినేట్ చేసుకుంటారు. ఆరోజు హౌస్ మొత్తం చాలా హీట్ వాతావరణం లో ఉంటుంది. కొన్ని కొన్ని సార్లు నామినేషన్స్ ఎక్కువ గడువు తీసుకోవడం వల్ల రెండు ఎపిసోడ్స్ గా విభజించి రెండు రోజులు టెలికాస్ట్ చేస్తారు.
అలా ఈ వారం కూడా జరిగింది. ఈరోజు శోభా శెట్టి మరియు ప్రియాంక భోలే శవాలీ తో ఏ రేంజ్ లో గొడవ పెట్టుకున్నారో మనమంతా చూసాము. ఈ హీటెడ్ చర్చల తర్వాత గౌతమ్ శివాజీ ని నామినేట్ చెయ్యడం, అలాగే కెప్టెన్ యావర్ గౌతమ్ ని నామినేట్ చేసే ప్రక్రియ లో మళ్ళీ గొడవలు చెలరేగాయి. యావర్ గౌతమ్ ని నామినేట్ చేస్తూ చెప్పిన కారణాలు కొన్ని సిల్లీ గా అనిపించాయి.
కానీ చివర్లో యావర్ వేసిన బంతికి క్లీన్ బౌల్డ్ అయ్యాడు గౌతమ్. నేను మనసులో నీపై ఎలాంటి ద్వేషం పెట్టుకోలేదు కాబట్టే, నీకు కెప్టెన్ అయ్యేందుకు పిన్ ఇచ్చాను అని అంటాడు గౌతమ్. అప్పుడు యావర్ నువ్వేదో నా మీద నిజమైన ప్రేమతో అది ఇవ్వలేదు. శోభా శెట్టి కెప్టెన్ అయితే నియంత లాగ ప్రవర్తిస్తుంది, ప్రతీ చిన్న విషయం లోను అరుస్తుంది, అవన్నీ నేను భరించలేను, అందుకే నీకు ఇస్తున్నాను అని నువ్వు నాతో చెప్పి ఆ పిన్ ఇచ్చావు అని అంటాడు యావర్.
శోభ శెట్టి ఇదంతా విని షాక్ అవుతుంది. అప్పుడు గౌతమ్ లో ఇలా దొరికిపోయాను ఏంటి అనే ఫ్రస్ట్రేషన్ కనిపించింది. ఆ ఫ్రస్ట్రేషన్ లో యావర్ ని గౌతమ్ అరేయ్ చవితి మాలోకం అంటూ ఎదో కవర్ చెయ్యాలని చూసాడు కానీ, అది వర్కౌట్ అవ్వలేదు. చివరికి తనకి తానే సెల్ఫ్ గోల్ వేసుకున్నవాడిలా గౌతమ్ నిల్చిపోయాడు.