Chiranjeevi : చిరు సార్ చాలా కూల్‌.. సురభి కామెంట్స్

- Advertisement -

Chiranjeevi : చిరంజీవి సోషియో ఫాంటసీ మూవీ ‘విశ్వంభర’ షూటింగ్ శరవేగంగా జరుగుతోంది. ఇప్పటికే ఈ ప్రాజెక్ట్ లో త్రిష హీరోయిన్ గా చేరింది. అయితే తాజాగా మరో కీలక పాత్ర కోసం యంగ్ హీరోయిన్ సురభిని కూడా తీసుకున్నారు. మెగాస్టార్ సినిమాలో ఛాన్స్ రావడంతో ఫుల్ హ్యాపీగా ఉంది సురభి. తాజా షూటింగ్ షెడ్యూల్ లో సురభి కూడా జాయిన్ అయినట్లు తెలుస్తోంది. తాజాగా ఓ ఇంటర్వ్యూలో విశ్వంభర సినిమాలో తన పాత్రపై క్లారిటీ ఇచ్చింది ఈ బ్యూటీ.

కీలక పాత్ర

చిరుతో నటించడం థ్రిల్‌గా ఉందని, ఈ అవకాశం రావడం కలలా ఉందని సురభి తెలిపింది. సెట్‌లోకి అడుగుపెట్టిన వెంటనే చిరు తన పని గురించి అడిగారని సురభి చెప్పింది. చిరు సార్ చాలా కూల్‌గా మాట్లాడారు.. నా ప్రాజెక్ట్‌ల గురించి ఆరా తీశారు.. అందరికి వెర్సటైల్‌గా ఉండాలని సలహా ఇచ్చారు.. ఎలాంటి పాత్రకైనా సిద్ధమైనప్పుడే మన సత్తా బయటపడుతుందని అన్నారు. కానీ అలాంటి పాత్రలు దొరకడం మన చేతుల్లో లేదని సురభి చెప్పింది. ఇక విశ్వంభరలో తన పాత్ర గురించి చెబుతూ కథలో కీలక సమయంలో వచ్చే పాత్రలో కనిపించబోతున్నాను. ఈ చిత్రంలో తాను ట్రెడిషనల్ లుక్‌లో కనిపిస్తానని సురభి తెలిపింది. సురభి వీఐపీ, ఎక్స్ ప్రెస్ రాజా, ఓటర్, బీరువా, జెంటిల్‌మన్ వంటి చిత్రాల్లో నటించింది. తాజాగా విశ్వంభర సినిమాలో మంచి ఛాన్స్ కొట్టేసింది. ఈ చిత్రానికి వశిష్ట దర్శకత్వం వహిస్తున్నారు. యూవీ క్రియేషన్స్ ఈ చిత్రాన్ని భారీ బడ్జెట్‌తో నిర్మిస్తోంది.

- Advertisement -

‘బింబిసార’ సినిమాతో బ్లాక్ బస్టర్ అందుకున్న దర్శకుడు వశిష్ట ఈ చిత్రాన్ని ప్రతిష్టాత్మకంగా రూపొందిస్తున్నాడు. ఇప్పటికే రివీల్ చేసిన టైటిల్ గ్లింస్ కి అద్భుతమైన రెస్పాన్స్ వచ్చింది. చాలా ఇంటర్వ్యూలలో వశిష్ట సినిమా గురించి చాలా ధీమాగా మాట్లాడాడు. మెగాస్టార్ కెరీర్‌లోని టాప్ 3 సినిమాల్లో విశ్వంభర సినిమా ఉంటుందని కాన్ఫిడెంట్‌గా హామీ ఇచ్చాడు. ప్రేక్షకులను ఉర్రూతలూగించేలా ఈ సినిమా కొత్త ప్రపంచాన్ని సృష్టిస్తున్నట్లు తెలిపారు. అయితే విశ్వంభర సినిమాకు ‘జగదేక వీరుడు అతిలోక సుందరి’తో పోలికలు ఉంటాయని మెగా ఫ్యాన్స్ కూడా అనుకుంటున్నారు. గ్లింస్ లో హనుమాన్ విగ్రహం కనిపించడంతో ఈ సినిమాలో ఆంజనేయుడిపై ఓ స్పెషల్ సాంగ్ ఉంటుందని ప్రచారం జరుగుతోంది. మరి త్వరలోనే ఏ టీజర్ విడుదల చేస్తారో చూద్దాం.

Publisher : Telugu Cinema Today
Publication : Telugu Cinema

latest articles

LEAVE A REPLY

Please enter your comment!
Please enter your name here

   
vps230225.betterwebtechnologies.com telugucinematoday.com