Bicchagadu 2 trailer: గతం లో తమిళ హీరో విజయ్ ఆంటోనీ నటించిన ‘బిచ్చగాడు’ అనే సినిమా కమర్షియల్ గా ఎంత పెద్ద బ్లాక్ బస్టర్ హిట్ అయ్యిందో అందరికీ తెలిసిందే. చిన్న సినిమాగా విడుదలై అప్పట్లో టాలీవుడ్ పెద్ద హీరోలకు సైతం సవాలు విసిరే రేంజ్ వసూళ్లను రాబట్టింది. అప్పట్లో ఈ చిత్రం తో పోటీ గా మహేష్ బాబు బ్రహ్మోత్సవం చిత్రం విడుదలైంది.
సీడెడ్ వంటి ప్రాంతాలలో ‘బిచ్చగాడు’ చిత్రం ‘బ్రహ్మోత్సవం’ కంటే ఎక్కువ వసూళ్లను రాబట్టడం అప్పట్లో టాక్ ఆఫ్ ది ఇండస్ట్రీ గా నిల్చింది.తెలుగు మరియు తమిళం భాషలకు కలిపి ఈ సినిమా అప్పట్లో సుమారుగా 25 కోట్ల రూపాయిల షేర్ ని వసూలు చేసింది. చిన్న సినిమాకి ఈ వసూళ్లు ఆరోజుల్లో మామూలు విషయం కాదు, ఈ 25 కోట్ల రూపాయిల షేర్ లో 15 కోట్లు తెలుగు వెర్షన్ నుండే వచ్చాయి, అలాంటి బ్లాక్ బస్టర్ కి సీక్వెల్ గా ‘బిచ్చగాడు 2 ‘ సిద్ధం అయ్యింది, వచ్చే నెల 19 వ తారీఖున విడుదల కాబోతుంది.
ఈ సందర్భంగా ఈ చిత్రానికి సంబంధించిన ట్రైలర్ ని ఈరోజు విడుదల చేసారు, మరి ఈ ట్రైలర్ పార్ట్ 1 రేంజ్ లో ఉందొ లేదో ఒకసారి చూద్దాము.ఈ ట్రైలర్ విడుదలకు ముందు కొన్ని రోజుల క్రితం మూవీ టీం సినిమా ప్రారంభం లో వచ్చే 5 నిమిషాల ఫుటేజీ ని సోషల్ మీడియా లో విడుదల చేసారు.దీనికి మంచి రెస్పాన్స్ వచ్చింది, ఇక ఈరోజు విడుదలైన ట్రైలర్ లో హీరో ని వేల కోట్ల రూపాయిల ఆస్తికి అధిపతి లాగ చూపిస్తారు.
బిచ్చగాడు పార్ట్ 1 లో అమ్మ ఆరోగ్యం కోసం మొక్కుబడిగా బిచ్చమ్ ఎత్తుకొని బ్రతికే హీరో, ఈ సినిమాలో అమ్మకోసం చిన్నతనం లోనే హంతకుడిగా మారినట్టు చూపిస్తారు. మరోపక్క యాంటీ బికిలీ అనే రాబిన్ హుడ్ గెటప్ లో హీరో విలన్స్ ని కొట్టే షాట్స్ ని కూడా ఈ ట్రైలర్ లో చూడొచ్చు.మొత్తం చూసిన తర్వాత అనిపించింది ఏమిటంటే, ఈ చిత్రం పార్ట్ 1 కి కొనసాగింపుగా తెరకెక్కిన చిత్రమా, లేకుంటే సరికొత్త చిత్రమా అనేది తెలియలేదు, అది థియేటర్స్ లో చూసి తెలుసుకోండి అన్నట్టుగా పెట్టాడు డైరెక్టర్.