ప్రముఖ ఆస్ట్రాలజిస్ట్ వేణు స్వామి గురించి దాదాపు అందరికీ తెలిసిందే. ముఖ్యంగా సెలబ్రిటీలకు సంబంధించి వారి వారి జీవితాల్లో ఏమేమి జరుగుతాయో ముందస్తుగా చెప్పి మంచి గుర్తింపు సంపాదించారు వేణు స్వామి. ఇప్పటికే సమంత, నాగచైతన్య పెళ్లి సమయంలోనే విడాకులు తీసుకుంటారని చెప్పారు. అదేవిధంగా రెబల్ స్టార్ ప్రభాస్ సినిమాలు ఫ్లాప్ అవుతాయని చెప్పినట్టుగా జరిగింది.
అదేవిధంగా టాలీవుడ్ లో ఓ హీరో మరణిస్తాడని చెప్పిన కొద్ది రోజులకే తారకరత్న మరణించిన విషయం తెలిసిందే. ఇలా వేణు స్వామి చెప్పినవన్నీ సెలబ్రిటీల విషయంలో దాదాపు వాస్తవం అవ్వడంతో చాలా ఫేమస్ అయ్యారు. ఇక ఇదే సమయంలో రాజకీయ రంగంలో సైతం ఎవ్వరు అధికారంలోకి వస్తారనేది ముందుగానే చెబుతున్న పరిణామాలు చోటు చేసుకోవడంతో ఈయన పేరు తెలుగు రాష్ట్రాల్లో మారుమ్రోగుతుంది. 2019 ఎన్నికల సమయంలో వైఎస్ జగన్ అధికారంలోకి వస్తారని చెప్పారు. చెప్పినట్టు సీఎంగా జగన్ బాధ్యతలు స్వీకరించారు. మరోవైపు ఈ ఏడాదిలో కొంత మంది తెలుగు సినిమా రంగానికి చెందిన వారు విడాకులు తీసుకుంటారని కూడా చెప్పుకొచ్చారు.
అదేవిధంగా రెబల్ స్టార్ నటించిన ఆదిపురుష్ మూవీ పరాజయం చెందుతుందని ముందుగానే చెప్పారు. దాదాపు వేణుస్వామి చెప్పినవన్నీ వాస్తవంగానే జరిగాయి. ఇప్పుడు ప్రముఖ హీరోయిన్ రకుల్ ప్రీతిసింగ్ పెళ్లి గురించి వేణు స్వామి సంచలన వ్యాఖ్యలు చేసారట.రకుల్ నిశ్చితార్థం జరిగిన వెంటనే ఆమె కెరీర్ చాలా డౌన్ అయిపోతుందని అప్పట్లోనే హెచ్చరించినట్లు సమాచారం. ఇప్పుడు తమ పరిస్థితి చూడండి.. ఎలా ఉందో.. ఎలాంటి అవకాశాలు లేవని ఇటీవలే ఓ ఇంటర్వ్యూలో వెల్లడించారుట వేణు స్వామి. మరోవైపు రకుల్ ప్రీత్ సింగ్ పెళ్లి చేసుకున్నా.. ఆమె విడిపోవడం గ్యారెంటీ అని షాకింగ్ వార్త చెప్పారు. సమంత-నాగచైతన్య విడిపోతారని తాను చెప్పిన జాతకం సమయంలో ఇష్టం వచ్చినట్టు తిట్టారు.. కానీ ఇప్పుడు పరిస్థితి ఏంటి..? రకుల్ ప్రీత్ సింగ్ జాతకం కూడా అలాంటిదే అంటూ వేణుస్వామి స్పష్టం చేసినట్లు సమాచారం.