మిల్కీ బ్యూటీ తమన్నా ప్రస్తుతం సూపర్ జోష్ లో ఉంది. ఈ భామ ఓవైపు టాలీవుడ్.. మరోవైపు బాలీవుడ్.. ఇంకోవైపు కోలీవుడ్.. ఇలా వరుస సినిమాలు, సిరీస్ లు చేస్తూ బిజీ బిజీగా గడుపుతోంది. ముఖ్యంగా ఈ భామ తన ఫోకస్ అంతా బాలీవుడ్ పైనే పెట్టింది. ఇక అక్కడే ఓ బాయ్ ఫ్రెండ్ ను కూడా వెతికేసింది. బాలీవుడ్ హీరో విజయ్ వర్మతో ఈ భామ డేటింగ్ లో ఉందన్న విషయం తెలిసిందే. ఈ ఇద్దరు కలిసి లస్ట్ స్టోరీస్ -2 లో నటించిన విషయం కూడా తెలిసిందే.
ఇక తమన్నా టాలీవుడ్ సినిమాల సంగతికి వస్తే.. ఈ భామ సీనియర్ హీరోలతో రొమాన్స్ చేస్తూనే.. మరోవైపు యంగ్ హీరోలతో జత కడుతోంది. ఇటీవలే ఎఫ్-3 సినిమాతో హిట్ కొట్టి.. తాజాగా మెగాస్టార్ చిరంజీవితో కలిసి భోళాశంకర్ సినిమాలో నటించింది. ఇటీవలే రిలీజ్ అయిన ట్రైలర్.. వీడియో సాంగ్స్ లో సూపర్ గ్లామరస్ గా కనిపించింది. ఇక త్వరలోనే సెట్స్ పైకి వెళ్లనున్న బాలయ్య-బాబీ కాంబోలో వస్తున్న సినిమాలో తమన్నా హీరోయిన్ అని ప్రచారం జరుగుతోంది.
అయితే తాజాగా తమన్నా పోస్టు చేసిన ఓ ఫొటో నెట్టింట చర్చకు తెర లేపింది. ఈ భామ పోస్టు చేసిన ఫొటోలో చేతికి డైమండ్ రింగ్ కనిపించింది. అయితే ఈ డైమండ్ రింగ్ అప్పట్లో ఉపాసన తమన్నాకు గిఫ్ట్ ఇచ్చిందనే చర్చ జరిగింది. ఈ డైమండ్ రింగ్ విలువ దాదాపు రూ.2 కోట్లు ఉంటుందని.. సైరా నరసింహారెడ్డి సినిమాలో తమన్నా నటనకు ఫిదా అయిన ఉపాసన మిల్కీ బ్యూటీకి ఈ రింగ్ ఇచ్చిందనే ప్రచారం జరిగింది. అయితే తాజాగా ఈ ఫొటో చూసి ఓ నెటిజన్ ఆ రింగ్ గురించి అడిగిన ప్రశ్నకు తమన్నా ఇచ్చిన సమాధానం చూసి అందరూ షాక్ అయ్యారు.
అసలు ఇది డైమండ్ రింగే కాదని తమన్నా అసలు విషయం చెప్పుకొచ్చింది. అది సోడా బాటిల్ ఓపెనర్ అని క్లారిటీ ఇచ్చింది. దీంతో నెటిజ‌న్లు ఓర్నీ ఇదా సంగ‌తి అని త‌ల‌లు ప‌ట్టుకుంటున్నారు. అందర్నీ భలే ఫూల్ చేశారుగా అని కామెంట్లు చేస్తున్నారు.
మరోవైపు బాలీవుడ్ లో లస్ట్ స్టోరీస్ 2, జీ క‌ర్దా వెబ్ సిరీస్‌ల‌లో తమన్నా ఎంత బోల్డ్ గా నటించిందో చూశాం. ఇప్పటి వరకు సినిమాల్లో కనీసం కిస్ సీన్ కూడా చేయని తమన్నా.. ఈ సిరీస్ లలో ఏకంగా లిప్ లాక్ లు, ఇంటిమేట్ సీన్లు చేస్తూ బాగా ఓపెన్ అయిపోయింది.
తెలుగులో మంచు మనోజ్ హీరోగా వచ్చిన శ్రీ సినిమాతో హీరోయిన్ గా పరిచయమైన తమన్నా 15 ఏళ్ల తన సినీ కెరీర్ లో ఎన్నో హిట్లు అందించింది. మెగాస్టార్ చిరంజీవి.. విక్టరీ వెంకటేశ్.. వంటి సీనియర్ హీరోలతో నటించింది. ఇక తాజాగా తలైవా రజనీకాంత్ తో కలిసి జైలర్ సినిమాలో నటిస్తోంది.