Unstoppable 3 : ‘అఖండ’ చిత్రం తర్వాత నందమూరి బాలకృష్ణ కెరీర్ ఎలా మారిపోయిందో మనమంతా చూస్తూనే ఉన్నాం. సినిమాలు కాసేపు పక్కన పెడితే, ఆ మొట్టమొదటిసారి హోస్ట్ గా వ్యవహరిస్తూ , ఆహా మీడియా లో చేసిన ‘అన్ స్టాపబుల్ విత్ NBK’ అనే టాక్ షో సెన్సేషనల్ హిట్ అయ్యింది. టాలీవుడ్ లో ఉన్న స్టార్ హీరోలు మరియు హీరోయిన్లు ఇలా అందరూ ఈ బిగ్గెస్ట్ టాక్ షో లో పాల్గొని గ్రాండ్ సక్సెస్ చేసారు.
సీజన్ 1 కంటే కూడా సీజన్ 2 పెద్ద హిట్ అయ్యింది. సీజన్ 1 లో మహేష్ బాబు, అల్లు అర్జున్ పాల్గొనగా, సీజన్ 2 లో పవన్ కళ్యాణ్ మరియు ప్రభాస్ పాల్గొన్నారు. సీజన్ 2 నే అందరూ చివరి సీజన్ అనుకున్నారు కానీ, ఇప్పుడు సీజన్ 3 కూడా ఉందని రీసెంట్ గానే అధికారికంగా తెలిసింది. ఈ దసరా కి సీజన్ 3 మొదటి ఎపిసోడ్ ని షూట్ చెయ్యబోతున్నారు.
అయితే ఈ సీజన్ లో చాలా తక్కువ ఎపిసోడ్స్ ఉంటాయట. మొదటి ఎపిసోడ్ టెలికాస్ట్ అయ్యే సమయానికి, బాలయ్య బాబు లేటెస్ట్ చిత్రం ‘భగవంత్ కేసరి’ థియేటర్స్ లో ఉంటుంది. అందుకే తొలుత ఆ మూవీ టీం తో ఇంటర్వ్యూ ని ప్లాన్ చేశారట. ఆ తర్వాత రామ్ చరణ్, విక్టరీ వెంకటేష్ మరియు సమంత ఈ ఎపిసోడ్ లో ముఖ్య అతిథులుగా హాజరు కాబోతున్నారు అట. ఇక చివరి ఎపిసోడ్ ని తనతో పాటు సరిసమానమైన ఇమేజి ఉన్న మెగాస్టార్ చిరంజీవి తో ప్లాన్ చేసినట్టు తెలుస్తుంది.
అల్లు అరవింద్ అందుకు సంబంధించిన ఏర్పాట్లు మొత్తం పూర్తి చేసాడట. నిన్నటి తరం టాప్ 2 హీరోలైన వీళ్ళిద్దరిని ఒకే ఫ్రేమ్ లో చూస్తే ఇరువురి హీరోల అభిమానులకు కనుల పండుగ లాగా ఉంటుంది. ఎన్నో సందర్భాలలో వీళ్ళు కలవడం మనం చూసాము కానీ, కలిసి సరదాగా మాట్లాడుకోవడం, జోకులు వేసుకోవడం వంటివి మాత్రం చూడలేదు. అందుకే ఈ ఎపిసోడ్ కి ఇంత క్రేజ్ ఉంది.