Tollywood on Holi : మన రెండు తెలుగు రాష్ట్రాల్లో ఏదైనా పండుగ వస్తే ఎంత గొప్పగా జరుపుకుంటామో, తెలుగు సినిమా ఇండస్ట్రీ వాళ్లకి కూడా పండుగ వచ్చిందంటే చాలు బాక్స్ ఆఫీస్ గలగలలాడాల్సిందే.కానీ ఈసారి హోలీ పండుగ ని మాత్రం మన టాలీవుడ్ హీరోలందరూ వదిలేసారు.స్టార్ హీరోల సినిమాలు మాత్రమే కాదు, కనీసం మీడియం రేంజ్ హీరోల సినిమాలు కూడా విడుదల కాకపోవడం విశేషం.పండుగ పూత బాక్స్ ఆఫీస్ ఇంత డ్రై గా ఉండడం ఇది వరకు ఎప్పుడూ చూడలేదు.
గతం వారం విడుదలైన చిన్న సినిమాలే ఈ హోలీ పండుగకి థియేటర్స్ ఫీడింగ్ ఇచ్చింది.ఫిబ్రవరి నెలలో విడుదలైన ‘సార్’ చిత్రానికి ఈ హోలీ పండుగ నాడు అనేక ప్రాంతాలలో హౌస్ ఫుల్ బోర్డ్స్ పడ్డాయి.మరోపక్క ‘బలగం’ చిత్రం కూడా తన ఉనికిని చాటుకుంటూ ముందుకు దూసుకుపోయింది.కానీ ఇదే పండుగకి స్టార్ హీరో సినిమా కానీ, మీడియం రేంజ్ హీరో సినిమా కానీ విడుదల అయ్యుంటే కచ్చితంగా బాక్స్ ఆఫీస్ దుమ్ము లేచిపొయ్యేదని ట్రేడ్ పండితులు చెప్తున్నారు.
స్టార్ హీరోల సినిమాలు బాక్స్ ఆఫీస్ దగ్గర మాత్రమే కాదు, వాళ్ళ ఇళ్లలో కూడా హోలీ పండుగ జరుపుకోలేకపొయ్యారు..అల్లు అర్జున్ తన కుటుంబం తో కలిసి ఫ్యామిలీ ట్రిప్ లో ఉన్న సంగతి తెలిసిందే.అక్కడే ఆయన హోలీ పండుగని జరుపుకున్నాడు.ఇక ఎన్టీఆర్ మరియు రామ్ చరణ్ వంటి వాళ్ళు #RRR మూవీ కి ఆస్కార్ అవార్డ్స్ రాబోతున్న నేపథ్యం లో అమెరికా లో ఉన్నారు.అక్కడ వాళ్లకి హోలీ ఆడే అవకాశం దక్కలేదు.
ప్రభాస్ సంగతి మన అందరికీ తెలిసిందే, ఇలాంటి వాటికి ఎప్పుడూ దూరంగానే ఉంటాడు, ప్రస్తుతం ఆయన సలార్ మూవీ షూటింగ్ లో బిజీ గా ఉన్నాడు. పవన్ కళ్యాణ్ గురించి ప్రత్యేకంగా చెప్పేది ఏముంది, ఒక పక్క సినిమాలు మరోపక్క రాజకీయాలు అంటూ క్షణం తీరిక లేకుండా గడిపే ఆయన ఇలాంటి పండుగలను అసలు జరుపుకోడు. మహేష్ బాబు కూడా షూటింగ్ లో బిజీ గా ఉన్నాడు. అలా టాలీవుడ్ మొత్తం హోలీ పండుగ రోజు వెలవెలబోయింది.
