Saindhav : ఇటీవల కాలం లో ఫ్యాన్స్ మరియు ఆడియన్స్ ఎంతో ఆతృతగా ఎదురు చూస్తున్న చిత్రాలలో ఒకటి ‘సైంధవ్’. విక్టరీ వెంకటేష్ చాలా కాలం తర్వాత సోలో హీరో గా చేస్తున్న చిత్రం ఇది. రీసెంట్ గా విడుదలైన ట్రైలర్ ఈ చిత్రం మీద అంచనాలను మరింత పెంచేలా చేసింది. వెంకటేష్ ని ఈ రేంజ్ మాస్ యాంగిల్ లో చూసి చాలా కాలమే అయ్యింది.
ముఖ్యంగా యాక్షన్ బ్లాక్స్ లో వెంకీ విశ్వరూపం చూపించేసాడు. పాపులర్ ఇంగ్లీష్ మూవీ జాన్ విక్ తరహా యాక్షన్ బ్లాక్స్ తో అదరగొట్టేసాడు. నేటి యూత్ ఆడియన్స్ ఎక్కువగా ఇలాంటి సినిమాలనే ఆదరిస్తున్నారు. యాక్షన్ బ్లాక్స్ తో పాటుగా వెంకీ మార్క్ సెంటిమెంట్ సన్నివేశాలు కూడా బలంగా ఉన్నాయని ట్రైలర్ చూస్తుంటే అర్థం అవుతుంది. ఇకపోతే ఈ సినిమాలో హీరోయిన్ గా శ్రద్ద శ్రీనాథ్ నటించిన సంగతి తెలిసిందే.
ట్రైలర్ చూసిన ప్రతీ ఒక్కరు ఈ చిత్రం లో కనిపిస్తున్న చిన్నారి కి తల్లితండ్రులు వెంకటేష్ మరియు శ్రద్ద శ్రీనాథ్ అని అనుకున్నారు. కానీ శ్రద్ద శ్రీనాథ్ ఆ అమ్మాయి తల్లి కాదు. ఫ్లాష్ బ్యాక్ లో వెంకటేష్ కి జోడిగా నటించిన హీరోయిన్ కూతురు అట. ఇంతకు ఆ హీరోయిన్ ఎవరు ఏమిటి అనేది బయటకి రానివ్వలేదు మేకర్స్.
కూతురు అరుదైన వ్యాధితో బాధపడడం, ఆమెకి ఒక ఇంజక్షన్ చెయ్యడానికి 17 కోట్లు ఖర్చు అవుతుంది అనడాన్ని ఈ సినిమా ట్రైలర్ లో మనం గమనించొచ్చు. వెంకటేష్ తన కూతురు ప్రాణాలను ఎలా కాపాడాడు అనేదే స్టోరీ. ఫ్లాష్ బ్యాక్ ఎపిసోడ్ కూడా చాలా బలంగా ఉండేలా ఉంది. 75 వ సినిమాగా తెరకెక్కిన ఈ చిత్రం, కచ్చితంగా వెంకటేష్ కెరీర్ లో ల్యాండ్ మార్కు గా మిగిలిపోతుందని బలమైన నమ్మకం తో ఉన్నారు ఫాన్స్.
