Gopi Chand : సినిమా ఇండస్ట్రీలో చాలామంది స్టార్ హీరోలు పరులకు చేసిన సాయాన్ని బయటికి చెప్పుకోవడానికి ఇష్టపడరు. కారణం ఏంటో తెలియదు కానీ చాలా మంది స్టార్ సెలబ్రెటీస్ ఇదే విధంగా చేస్తూ ఉంటారు. ఆ లిస్ట్ లోకి వస్తాడు మ్యాచో స్టార్ హీరో గోపీచంద్. తొలివలపు సినిమాతో హీరోగా ఎంట్రీ ఇచ్చాడు గోపీచంద్. ఆ తర్వాత కొన్ని సినిమాల్లో విలన్ గా నటించి మంచి గుర్తింపు తెచ్చుకున్నాడు. మళ్లీ యజ్నం సినిమాతో హీరోగా రీఎంట్రీ ఇచ్చాడు. కానీ కెరీర్ కు ఉపయోగపడే హిట్స్ పడడం లేదు. చేసిన సినిమాలన్నీ ఫ్లాప్ కావడంతో అందరూ గోపీచంద్ ఫైనాన్షియల్ గా ఇబ్బందులు ఎదుర్కొంటున్నాడని అనుకుంటూ ఉంటారు. కానీ గోపీచంద్ వెల్ సెటిల్.. ఆయనకు పలు బిజినెస్ లు ఉన్నాయి .
గోపీచంద్ ఎంతో ప్రతిష్టాత్మకంగా తీసుకుని నటించిన తాజా చిత్రం భీమా. శివరాత్రి సందర్భంగా మార్చి 8న ఈ సినిమా థియేటర్లలోకి రాబోతుంది. ఈ క్రమంలోని చిత్ర ప్రమోషన్స్ లో చురుగ్గా పాల్గొంటున్నాడు గోపీచంద్ . రీసెంట్ గా ఓ ఇంటర్వ్యూలో పాల్గొన్న ఆయన సంచలన విషయాన్ని బయట పెట్టాడు . “ఇష్టంతో చేస్తే ఆ పని బయటకు చెప్పాల్సిన అవసరం ఏముంది ..? నా శక్తి మీద నేను కొందరిని చదివించాను.. అసలు వాళ్లలో కొంతమందికి నా పేరు కూడా తెలియదు”..
‘‘కానీ వాళ్ళు పెద్ద పెద్ద ఉద్యోగాలలో సెటిల్ అయ్యారు. నాకు అది చాలా చాలా హ్యాపీ చదువుకునే ఆసక్తి ఉన్నప్పుడు దేనికి డబ్బు అడ్డం కాకూడదు ..అనేది నా ఒపీనియన్ నాకు ఎంత సహాయం చేయగలిగితే అంత చేస్తాను ” అంటూ చాలా ఎమోషనల్ గా స్పందించాడు. దీంతో గోపీచంద్ పేరు మారుమ్రోగిపోతుంది. కోట్లకు కోట్లు రెమ్యూనరేషన్స్ తీసుకునే హీరోలు కూడా రూపాయి సహాయం చేయకుండా బ్యాంక్ బ్యాలెన్స్ మెయింటైన్ చేస్తున్నారు అని.. నువ్వు నిజంగా గ్రేట్ అని గోపీచంద్ ను ఆకాశానికి ఎత్తేస్తున్నారు ఆయన అభిమానులు.