Hanuman Movie : స్టార్ హీరోలు చిన్న డైరెక్టర్స్ ని నమ్మి డేట్స్ ఇవ్వడం చాలా తక్కువగా మనం చూస్తూ ఉంటాం. ఎందుకంటే ఇంకా ఇండస్ట్రీ లో నిరూపించుకోలేదు కాబట్టి, ఇతన్ని నమ్మి సినిమా ఇస్తే రిస్క్ లో పడుతాం ఏమో అని భయపడతారు. సరిగ్గా ‘హనుమాన్’ దర్శకుడు ప్రశాంత్ వర్మ విషయం లో కూడా అదే జరిగింది. కథ రీత్యా ఇది చిన్న సినిమా కాదు, పెద్ద స్టార్ హీరోలు చెయ్యడానికి స్కోప్ ఉన్న సినిమా.
బడ్జెట్ కూడా అదే రేంజ్ లో అవసరం అవుతుంది. అందుకే ప్రశాంత్ వర్మ ఈ చిత్రాన్ని మొదట్లో స్టార్ హీరో తో చెయ్యాలని చాలా తపన పడ్డాడు. స్క్రిప్ట్ ని పట్టుకొని ఎంతో మంది హీరోల దగ్గరకి వెళ్ళాడు. కథ బాగుంది కానీ, ఎలా ఇతను ఇంత పెద్ద ప్రాజెక్ట్ ని డీల్ చేస్తాడో అనే భయం తో ఎవ్వరూ ఇతనికి అవకాశం ఇవ్వలేదు.
నిర్మాతలు కూడా ప్రశాంత్ వర్మ ని నమ్మి భారీ బడ్జెట్ పెట్టే సాహసం చెయ్యలేదు. దీంతో తనకి ఉన్న పరిధిలోనే, తేజ సజ్జల అనే కుర్రాడితో ఈ చిత్రం చేసాడు. టీజర్ విడుదలైనప్పుడే అందరూ ఆశ్చర్యానికి గురి అయ్యారు. ఎందుకంటే ఇంత తక్కువ బడ్జెట్ తో 500 కోట్ల రూపాయిల బడ్జెట్ ని తలపించే రేంజ్ క్వాలిటీ ఎలా ఇవ్వగలిగాడు అని ప్రశాంత్ వర్మ ని అందరూ పొగడ్తలతో ముంచి ఎత్తారు.
కచ్చితంగా మంచి విషయం ఉన్న దర్శకుడే, ఈ సినిమా తర్వాత అతన్ని రిజెక్ట్ చేసిన హీరోలందరూ సిగ్గు పడుతారని సోషల్ మీడియా లో నెటిజెన్స్ కామెంట్స్ చేస్తున్నారు. విడుదలకు ముందే స్టార్ హీరో రేంజ్ బజ్ ని ఏర్పాటు చేసుకున్న ఈ చిత్రం, జనవరి 12 వ తారీఖున విడుదల అవ్వబోతుంది. ఈ సినిమా అనుకున్న అంచనాలను రీచ్ అవుతుందో లేదో చూడాలి.
