Prabhas : బాహుబలి సిరీస్ తర్వాత వరుస డిజాస్టర్ ఫ్లాప్స్ తో ఫ్యాన్స్ ని నిరాశపర్చిన ప్రభాస్, గత ఏడాది ‘సలార్’ చిత్రం తో భారీ బ్లాక్ బస్టర్ హిట్ ని కొట్టి మళ్ళీ ఫామ్ లోకి వచ్చేసిన సంగతి తెలిసిందే. ప్రపంచవ్యాప్తంగా సుమారుగా ఈ చిత్రానికి 650 కోట్ల రూపాయిల గ్రాస్ వసూళ్లు వచ్చాయి. ఇంకా ఎక్కువ వసూళ్లు వచ్చేవే కానీ, ఫ్యామిలీ ఆడియన్స్ ఆదరణ ఈ చిత్రానికి కరువు అవ్వడం తో అనుకున్న స్థాయికి చేరుకోలేదు.
ఇకపోతే ఈ సినిమా తర్వాత ప్రభాస్ చేస్తున్న ‘కల్కి 2898 AD’ చిత్రం పై కేవలం ఫ్యాన్స్ లోనే కాదు, ఆడియన్స్ లో కూడా భారీ హైప్ ఉంది. ఇప్పటికే ఈ సినిమా నుండి విడుదలైన గ్లిమ్స్ వీడియో కి అద్భుతమైన రెస్పాన్స్ వచ్చింది. ఎప్పుడెప్పుడు ఈ సినిమాని వెండితెర మీద చూస్తామా అనే ఆత్రుతని అభిమానుల్లో కలిగించింది. మే 9 వ తారీఖున ఈ చిత్రం ప్రేక్షకుల ముందుకు రాబోతుంది.
ఇదంతా పక్కన పెడితే రీసెంట్ గా జరిగిన ఒక ఇంటర్వ్యూ లో ప్రభాస్ తనకి బాగా ఇష్టమైన హీరోయిన్ గురించి మాట్లాడాడు. యాంకర్ ప్రభాస్ ని ఒక ప్రశ్న అడుగుతూ ‘ఇప్పుడు ఉన్న హీరోయిన్స్ లో మీకు బాగా ఇష్టమైన హీరోయిన్ ఎవరు’ అని అడగగా, ప్రభాస్ క్షణం కూడా ఆలోచించకుండా సాయి పల్లవి పేరు చెప్తాడు.
ఆయన మాట్లాడుతూ ‘ఇప్పుడు ఉన్న వారిలో ప్రేమమ్ చిత్రంలో నటించిన సాయి పల్లవి యాక్టింగ్ అంటే చాలా ఇష్టం..ఆమెతో కలిసి నటించాలని ఉంది కానీ, ఇద్దరి మధ్య హైట్ సమస్య ఉంది, అందుకే సినిమా చేయలేకపోతున్నాం’ అంటూ చెప్పుకొచ్చాడు. సాయి పల్లవి కి యూత్ లో ఎలాంటి క్రేజ్ ఉందో ప్రత్యేకించి చెప్పనక్కర్లేదు. అందరూ ఆమెని లేడీ పవర్ స్టార్ అని పిలుస్తూ ఉంటారు. అంత మంది ఫ్యాన్స్ లో ప్రభాస్ కూడా ఒక ఫ్యాన్ అవ్వడం విశేషం.
