Prabhas : చిత్ర పరిశ్రమలో చాలా మంది దర్శకులు తమకంటూ ఒక ప్రత్యేకమైన ఇమేజ్‌ని సృష్టించుకోవడానికి అవిశ్రాంతంగా కృషి చేస్తుంటారు. అలా చాలా మంది విశ్వ ప్రయత్నాలు చేస్తూ దూసుకుపోతున్నారు. ప్రస్తుతం టాలీవుడ్ దర్శకుల్లో సందీప్ రెడ్డి వంగ కూడా తనదైన రీతిలో మంచి గుర్తింపు తెచ్చుకుంటున్నాడు. యానిమల్ సినిమాతో మంచి విజయాన్ని అందుకున్న సంగతి తెలిసిందే. ఇప్పుడు ప్రభాస్ తో స్పిరిట్ అనే సినిమా చేసేందుకు సందీప్ సిద్ధమవుతున్నాడు. అయితే ఈ సినిమాలో ప్రభాస్ క్యారెక్టర్ చాలా కొత్తగా ఉండబోతుంది.
ఈ సినిమాలో మరో హీరో కూడా నటించే అవకాశాలున్నాయని తెలిసింది. సందీప్ మరోసారి పాన్ ఇండియా రేంజ్ లో తన సత్తాను నిరూపించుకోవడానికి సిద్ధమయ్యాడు. అందులో భాగంగానే ఈ సినిమా స్క్రిప్ట్‌ని రెడీ చేసే పనిలో ఉన్నాడు. స్పిరిట్ సినిమాలో కీలక పాత్ర కోసం బాలీవుడ్ నుంచి కూడా ఓ స్టార్ హీరోని తీసుకోబోతున్నట్లు తెలుస్తోంది. ఈ విషయంపై సందీప్ ఇంకా ఎలాంటి క్లారిటీ ఇవ్వలేదు. అయితే ఈ వార్త ఇప్పుడు సోషల్ మీడియాలో వైరల్ అవుతుంది. అయితే దీనిపై ప్రభాస్ కానీ సందీప్ రెడ్డి వంగ కానీ క్లారిటీ ఇవ్వలేదు. దీనిపై సందీప్ క్లారిటీ ఇస్తే బాగుంటుందని కొందరు అభిప్రాయాన్ని వ్యక్తం చేస్తున్నారు.
మరి ఇలాంటి వార్తలను మేకర్స్ స్వయంగా వెల్లడిస్తే కానీ నమ్మవద్దని కొందరు సినీ నిపుణులు సూచిస్తున్నారు. అయితే ఈ సినిమాపై ప్రేక్షకుల్లో భారీ అంచనాలున్నాయి. సందీప్ రెడ్డి వంగా దర్శకత్వంలో.. పాన్ ఇండియన్ స్టార్ ప్రభాస్ కూడా హీరోగా.. ఈ సినిమా సెట్స్ పైకి రాకముందే ప్రేక్షకుల్లో మంచి హైప్ వచ్చింది. ప్రభాస్ ప్రస్తుతం రాజా సాబ్, కల్కి సినిమాల షూటింగ్‌లతో బిజీగా ఉన్నాడు. ఈ సినిమా షూటింగ్ పూర్తయిన వెంటనే స్పిరిట్ సినిమా షూటింగ్ లో పాల్గొనబోతున్నారు.