Tamanna : మిల్క్ బ్యూటీ తమన్నా గురించి ప్రత్యేకంగా పరిచయం అవసరం లేదు. ప్రస్తుతం సౌత్, నార్త్ సినిమాలతో ఫుల్ బిజీగా ఉంది. అలాగే, హైదరబాద్ నటుడు విజయ్ వర్మతో రిలేషన్‌షిప్ ద్వారా సోషల్ మీడియాలో హైలెట్ అయింది. దాదాపు ఇండస్ట్రీకి వచ్చి 20ఏళ్లు అయినా ఈ భామకు ఇప్పటికి తెలుగులో మంచి క్రేజ్ ఉంది. ఇక ఆమె వయసుతో పాటు ఫ్యాన్ ఫాలోయింగ్ కూడా అంతకంతకూ పెరుగుతూ వచ్చింది. బాహుబలి తరువాత తమన్నా పాన్ ఇండియా హీరోయిన్ అయింది. ఆ సినిమా తర్వాత తమన్నాకు ఇంత వరకు మంచి కమర్షియల్ హిట్ పడలేదనే చెప్పాలి.
స్టార్ హీరోల సినిమాల్లో నటిస్తూనే యంగ్ హీరోలతో కూడా జతకడుతోంది. ఎన్టీఆర్, రామ్ చరణ్, పవన్ కళ్యాణ్, అల్లు అర్జున్ లాంటి వాళ్లతో కలిసి తమన్నా నటించింది. తన అందం, పర్సనల్ ఇమేజ్‌తో హీరోయిన్‌గా ఇన్నేళ్లుగా ఇండస్ట్రీలో తన సత్తా చాటుతోంది. ఇకపోతే తాజాగా ఈ బ్యూటీ తమిళంలో నటించిన ‘అరుణ్మనై 4’ తెలుగులో బాక్ అనే సినిమా విడుదల అయి హిట్ టాక్ తెచ్చుకుంది. ఇక సినిమాలు, వెబ్ సిరీస్‌లే కాదు ఐటెం సాంగ్స్ చేసి అదరగొడుతుంది ఈ పాలరాతి బొమ్మ.
తాజాగా ఓ ఇంటర్వ్యూలో తమన్నా తనకు ఉన్న వింత అలవాటు గురించి చెప్పుకొచ్చింది. తను ఎప్పుడైనా దేనికైనా రెడీగా ఉంటానని అందరికీ చెప్తాను.. కానీ అది పూర్తిగా నిజం కాదు. నాకు రాత్రి 8 గంటల తర్వాత ఎక్కడికి వెళ్లడం లేదా ఏదైనా పని చేయడం అంటే అసలు ఇష్టం ఉండదు. రాత్రి ఎనిమిది గంటల తర్వాత పనులు చేయడం మంచిది కాదు.. అంటూ తమన్నా తనకున్న వింత అలవాటును బయట పెట్టింది. దీంతో ఆమె అభిమానులు డే మొత్తం షూటింగ్స్, వర్కౌట్స్‌తో బిజీగా ఉండే ఈ భామ రాత్రి 8 దాటాక అయినా రెస్ట్ తీసుకోవాలి అని పెట్టుకున్న రూల్ మాత్రం సూపర్ అని కామెంట్స్ చేస్తున్నారు.