Viswambhara : ‘భోళా శంకర్’ వంటి భారీ డిజాస్టర్ ఫ్లాప్ తర్వాత మెగాస్టార్ చిరంజీవి హీరో గా నటిస్తున్న చిత్రం ‘విశ్వంభర’. ‘బింభిసార’ వంటి భారీ బ్లాక్ బస్టర్ హిట్ చిత్రాన్ని తెరకెక్కించిన వసిష్ఠ ఈ సినిమాకి దర్శకత్వం వహిస్తున్నాడు. ఇప్పటికే ఈ సినిమాకి సంబంధించి ఒక షెడ్యూల్ ని పూర్తి చేసారు. నిన్న స్టంట్ మాస్టర్స్ రామ్ – లక్ష్మణ్ ఆడవార్సాయం లో భారీ ఫైట్ సన్నివేశాలను ప్రారంభించారు.
10 రోజుల పాటు ఈ షెడ్యూల్ ని తెరకెక్కించబోతున్నారట. ఇది కాసేపు పక్కన పెడితే ఈ సినిమాలో ముగ్గురు హీరోయిన్స్ ఉంటారని తెలిసింది. వాళ్ళ పేర్లు ఇప్పటి వరకు అధికారికంగా ప్రకటించకపోయినా అనుష్క, సాయి పల్లవి , మృణాల్ ఠాకూర్ వంటి హీరోయిన్స్ పేర్లు గత కొంతకాలంగా వినిపిస్తున్నాయి. దీనికి సంబంధించిన అధికారిక ప్రకటన త్వరలోనే రానుంది. సుమారుగా 200 కోట్ల రూపాయిల భారీ బడ్జెట్ తో ఈ సినిమా తెరకెక్కుతుంది.
ఇది ఇలా ఉండగా ఈ సినిమాకి సంబంధించిన లేటెస్ట్ న్యూస్ ఒకటి ఇప్పుడు సోషల్ మీడియా లో హాట్ టాపిక్ గా మారింది. అదేమిటంటే ఈ సినిమాలో తమిళ స్టార్ హీరో శింబు నటించబోతున్నాడట. ఆయన క్యారక్టర్ ఇందులో నెగటివ్ షేడ్స్ లో ఉంటుందని టాక్. రీసెంట్ గానే డైరెక్టర్ వసిష్ఠ శింబు ని చెన్నై లో కలిసి ఈ సినిమా స్టోరీ ని వినిపించాడట. ఆయనకీ బాగా నచ్చడం తో వెంటనే ఓకే చెప్పినట్టు సమాచారం.
ముందుగా ఈ పాత్ర కోసం దగ్గుపాటి రానా ని ఎంచుకున్నారట. కానీ ఆయన ఎందుకో మళ్ళీ ఈ సినిమా నుండి తప్పుకున్నాడు. దీంతో పలువురి పేర్లను పరిగణలోకి తీసుకున్న డైరెక్టర్ వసిష్ఠ చివరికి శింబు ఫైనల్ చేసినట్టు సమాచారం. త్వరలోనే దీనిపై పూర్తి స్థాయి క్లారిటీ రానుంది. వచ్చే నెలలోనే అధికారిక ప్రకటన చెయ్యొచ్చు అని అంటున్నారు, చూడాలి మరి.
