Sureka Vani : టాలీవుడ్ సీనియర్ క్యారెక్టర్ ఆర్టిస్ట్ సురేఖ వాణి గురించి ప్రత్యేకంగా పరిచయం అవసరం లేదు. తెలుగు సినిమాల్లో అక్క, తల్లి, వదిన లాంటి ఎన్నో పాత్రలో నటించి మెప్పించిన నటి సురేఖ వాణి. కారణమేంటో తెలియదు కానీ.. గత కొంతకాలంగా సినిమాల్లో కనిపించడం లేదు. సినిమాలు లేకున్నా ఆమె సోషల్ మీడియాలో యాక్టివ్ గా ఉంటుంది. ఎప్పటికప్పుడు తన కూతురుతో కలిసి హాట్ ఫోటో షూట్లతో.. డ్యాన్సులతో ఘాటు అందాలను షేర్ చేస్తుంటుంది. అంతేకాకుండా తన జీవితంలో చోటు చేసుకుంటున్న విషయాలను అభిమానులతో చర్చిస్తుంటుంది.
ఇక తాజాగా సురేఖ వాణి తన కూతురు సుప్రీతతో కలిసి తిరుమల శ్రీవారిని దర్శించుకుంది. కాలినడకన తిరుమల చేరుకున్న ఆమె ఆదివారం వెంకటేశ్వర స్వామి వారి సన్నిధికి చేరుకుంది. అంతకుముందు తలనీనాలు సమర్పించి మొక్కులు తీర్చుకుంది. అయితే ఎప్పటికప్పుడు ఘాటు ఫోటోషూట్లతో అందాన్ని ఆరబోసే ఈ ముద్దుగుమ్మ సడన్ గా గుండుతో కనిపించడంతో చాలామంది షాక్ అవుతున్నారు. ఇక ఆమె అభిమానులకు అలా చూడడం హార్ట్ బ్రేకింగ్ ట్రీట్ అనే చెప్పాలి.
ఎంతో అందంగా కనిపించే ఈ ముద్దుగుమ్మ ఒక్కసారిగా గుండుతో కనిపించడంతో అంత ఖంగుతిన్నారు. అయితే ఈ తల్లి కూతుర్లకు ఉన్న ఫ్యాన్ ఫాలోయింగ్ గురించి ప్రత్యేకంగా చెప్పాల్సిన అవసరం లేదు. ఇక శ్రీవారి దర్శనానికి వెళ్లిన సురేఖా వాణితో సెల్ఫీల కోసం ఫ్యాన్స్ అంతా ఆసక్తి చూపారు. ఇక వీరి తిరుమల శ్రీవారి పర్యాటన ఫోటోలు సోషల్ మీడియాలో వైరల్ అవుతున్నాయి.