Suhas : టాలీవుడ్ లో ప్రస్తుతం ఫుల్ ఫామ్ లో ఉన్న హీరోల్లో సుహాస్ ఒకరు. షార్ట్ ఫిలిమ్స్ చేసి సినిమాల్లో ఎంట్రీ ఇచ్చిన ఈయన తొలుత హీరో ఫ్రెండ్ క్యారెక్టర్లు చేస్తూ, ఇప్పుడు ఏకంగా హీరోగా మారాడు. ఇక ఎంట్రీ ఇచ్చిన తొలి సినిమాతో మంచి సక్సెస్ సాధించి విమర్శకుల ప్రశంసలు దక్కించుకున్నాడు. కెరీర్ బిగినింగ్ లోనే మంచి మంచి కాన్సెప్ట్ లతో సినిమాలు చేస్తూ వస్తున్నాడు సుహాస్.. ఇప్పుడిప్పుడే మెల్లిగా కమర్షియల్ వైపు అడుగులు వేస్తున్నాడు. టాలీవుడ్ లో న్యాచురల్ స్టార్ అంటే వెంటనే గుర్తుకు వచ్చేది నాని.. అతడి తర్వాత ఆ స్థానాన్ని సుహాస్ దక్కించుకోవడంలో సందేహం లేదని అనిపిస్తుంది. డిఫరెంట్ కథలు సెలెక్ట్ చేసుకుని వరుస సినిమాలు చేస్తూ న్యాచురల్ హీరో అనిపించుకోవాలని ప్రయత్నిస్తున్నాడు. ఇక ఈ ఇయర్ ఆల్రెడీ అంబాజీ పేట మ్యారేజ్ బ్యాండ్ సినిమాతో డీసెంట్ హిట్టు కొట్టాడు. మొన్నీమధ్య శ్రీరంగ నీతులు అనే సినిమాలో ప్రత్యేక పాత్రలో కనిపించాడు. ఇక ఇప్పుడు ప్రసన్నవదనం సినిమాతో ప్రేక్షకుల్ని పలకరించనున్నాడు. అయితే రాబోయే ప్రసన్న వదనం సినిమాలో కాస్త మసాలా డోస్ పెంచేసినట్లు అనిపిస్తోంది.
సుహాస్ ఈ సినిమాలో ఓ లిప్ లాక్ సీన్స్ తో రెచ్చిపోయాడు. ఫేస్ బ్లైండ్ అనే సరికొత్త కాన్సెప్ట్ తో ఈ సినిమా తెరకెక్కింది. హీరోయిన్ పాయల్ రాధాకృష్ణతో లిప్ కిస్ సీన్ చేయడం ట్రైలర్ లో కూడా కనిపించింది. ఈరోజే సినిమా రిలీజ్ కాగా, ఈ సినిమా రిలీజ్ కి రెండు వారాల ముందు నుంచే చిత్ర యూనిట్ ప్రమోషన్లు నిర్వహిస్తున్నారు. తాజాగా ఈ సినిమా ప్రమోషన్స్ లో భాగంగా సుహాస్ కు ఓ ప్రశ్న ఎదురైంది. ఈ సినిమాలో సుహాస్ చేసిన లిప్ లాక్ సీన్ విషయంలో.. మీ భార్య పర్మీషన్ తీసుకున్నారా అని యాంకర్ ప్రశ్నించారు. దానికి సుహాస్ చెప్పిన ఆన్సర్ అందరిని ఆశ్చర్యపరిచింది.
సుహాస్ లిప్ లాక్ సీన్ గురించి ఇంటర్వ్యూలో మాట్లాడుతూ.. నా భార్య ఇప్పటికే సినిమా చూసింది.. ఆ లిప్ కిస్ సీన్ చూసి.. ఊమ్ ..ఎంజాయ్ చేస్తున్నావ్ గా అనే అర్థం వచ్చేలా ఎక్స్ ప్రెషన్ ఇచ్చిందని అన్నాడు. ఇక నా యాక్టింగ్ విషయంలో నా భార్య బెస్ట్ క్రిటిక్ అని తెలిపాడు. ఈ విషయంలో అలా చేయల్సి ఉండాల్సింది.. ఇలా చేసి ఉండాల్సిందని ఎప్పుడూ తిడుతుందంటూ చెప్పుకొచ్చాడు. అంతే కాదు లిప్ లాక్ సీన్ విషయంలో తన భార్య ఎలాంటి ఎక్స్ ప్రెషన్ ఇచ్చిందో ఫన్నీగా చేసి చూపించారు. ఇక ఈ ప్రసన్న వదనం సినిమా హిట్ అయితే, టాలీవుడ్ లో సుహాస్ కు తిరుగుండదని చెప్పవచ్చు. ముఖ్యంగా మార్కెట్ పరంగా ఓ అంచనాకు వచ్చేయొచ్చు. ఇప్పటికే అరడజను సినిమాలతో బిజీ బిజీగా ఉన్న సుహాస్ ప్రసన్నవదనం హిట్ అయితే రెమ్యునరేషన్ భారీగా పెంచే ఆలోచనలో ఉన్నట్లు తెలుస్తోంది.