Sudheer Babu : అందం, టాలెంట్ మరియు బ్యాక్ గ్రౌండ్ ఉన్నప్పటికీ కూడా లక్ కలిసి రాక కనీసం మీడియం రేంజ్ హీరో క్యాటగిరీ లోకి కూడా అడుగుపెట్టలేకపోయిన హీరో సుధీర్ బాబు. ఆయన హీరో గా నటించిన సినిమాలలో ఇప్పటి వరకు ‘ప్రేమ కథా చిత్రం’ తప్ప మిగిలినవన్నీ డిజాస్టర్ ఫ్లాప్స్ అయ్యాయి. చాలా కస్టపడి సినిమాలు చేస్తాడు కానీ, సరైన స్క్రిప్ట్ ఎంపిక లేకపోవడం తో సుధీర్ బాబు కెరీర్ ఇలా అయిపోయింది అని చెప్పొచ్చు.
రీసెంట్ గా కొత్త ప్రయత్నం లాగా చేసిన ‘మామ మాస్చిందా’ అనే చిత్రం కూడా ఘోరమైన డిజాస్టర్ ఫ్లాప్ గా నిల్చింది. కనీసం పబ్లిసిటీ కి అయిన ఖర్చులను కూడా రాబట్టలేక చతికిల పడింది ఈ చిత్రం. ఈ సినిమా తర్వాత ఇప్పుడు మళ్ళీ ఆయన ‘హరోంహర’ అనే సినిమా చేసాడు. హిట్టు కొట్టే వరకు ఈయన వదిలేలా లేడు అని ఆడియన్స్ కి అర్థం అయిపోయింది.
ఇదంతా పక్కన పెడితే సుధీర్ బాబు డ్యాన్స్ మరియు ఫైట్స్ చాలా అద్భుతంగా చేస్తాడు. ముఖ్యంగా ఫైట్స్ విషయం లో అయితే ఇది వరకు ఆయన ఎన్నో బీభత్సమైన రిస్కీ స్తుంటులు కూడా చేసి ఉన్నాడు. రీసెంట్ గా ఏర్పాటు చేసిన ‘హరోంహర’ ప్రెస్ మీట్ లో ఒక విలేఖరి ప్రశ్న అడుగుతూ ‘మీరు యాక్షన్ హీరోగా స్థిరపడాలని అనుకుంటున్నారా’ అని అడుగుతారు.
అప్పుడు సుధీర్ బాబు దానికి సమాధానం చెప్తూ ‘యాక్షన్ చిత్రాలు చెయ్యడం అంటే నాకు చాలా ఇష్టం. టాలీవుడ్ లో యాక్షన్ సినిమాలు నాకు సరిపోయే విధంగా ఏ హీరో కి కూడా సరిపోదు..కచ్చితంగా రాబొయ్యే రోజుల్లో యాక్షన్ చిత్రాలు చేస్తాను’ అంటూ సుధీర్ బాబు చేసిన కామెంట్స్ ఇప్పుడు సోషల్ మీడియా లో వైరల్ గా మారింది. కుప్పం బ్యాక్ డ్రాప్ లో తెరకెక్కిన ఈ సినిమా పాన్ ఇండియా లెవెల్ లో విడుదల కాబోతుంది.
