Sreeleela : దర్శకేంద్రుడు రాఘవేంద్రరావు దర్శకత్వంలో వచ్చిన పెళ్లి సందడి సినిమాతో టాలీవుడ్ ఇండస్ట్రీ లోకి అడుగుపెట్టింది శ్రీలీలా. మొదటి సినిమా కమర్షియల్ హిట్ కాకపోయినా తన నటనకు మంచి మార్కులే పడ్డాయి. తర్వాత వెంటనే రవితేజ సరసన ధమాకా సినిమాలో నటించి బ్లాక్ పాస్టర్ హిట్ అందుకున్న సంగతి తెలిసిందే. ఈ సినిమాతో వరుస అవకాశాలను అందుకుంటూ అతి తక్కువ సమయంలోనే స్టార్ హీరోయిన్ అయిపోయింది అమ్మడు. ఇక ఈ మూవీ తర్వాత వరుసగా 12 సినిమాలకు గ్రీన్ సిగ్నల్ ఇచ్చింది. ప్రతినెలా శ్రీలీల నటించిన సినిమాలు ఒక్కొక్కటిగా ప్రేక్షకుల ముందుకు వస్తున్నాయి.
ఇప్పటికి నాలుగు సినిమాలు విడుదల కాగా.. ఇందులో బాలయ్య నటించిన భగవంత్‌ కేసరి మాత్రమే హిట్ అందుకుని నిర్మాతలకు లాభాలను తెచ్చిపెట్టింది. ఇక స్కంద, అదికేశవ, ఎక్స్ట్రా ఆర్డినరీ మ్యాన్ ఈ మూడు సినిమాలు ప్రేక్షకుల ముందుకు వచ్చి నిర్మాతలకు తీవ్ర నష్టాలనే మిగిల్చాయి. ఈ మూడు సినిమాలకు కనీసం ఓపెనింగ్స్ కూడా దక్కలేదు. దీంతో నిర్మాతలు భారీగా నష్టపోయారు. ఇలా మూడు నెలల వ్యాధిలో మూడు సినిమాలు డిజాస్టర్లుగా నిలవడంతో నిర్మాతలకు దాదాపు రూ.100 కోట్లకంటే ఎక్కువ నష్టం వాటిల్లిందట.
ఇప్పటివరకు ఇలాంటి చెత్త రికార్డు టాలీవుడ్‌లో ఏ స్టార్ హీరోయిన్ ఖాతాలో నమోదవలేదట. కేవలం శ్రీలీల మాత్రమే ఇలాంటి రికార్డును నెలకొల్పిందట. మూడు నెలల్లో రూ.100 కోట్లు నష్టం అంటే మామూలు విషయం కాదు. దీంతో ఈమె నెక్స్ట్ సినిమాలైనా ఊహించిన రేంజ్‌లో సక్సెస్ కాకపోతే టాలీవుడ్ నుంచి శ్రీ‌లీల‌కు ఇకపై అవకాశాలు కష్టమే అన్న వ్యాఖ్యలు వినిపిస్తున్నాయి. ప్రస్తుతం శ్రీలీల మహేష్ బాబు గుంటూరు కారం, పవన్ కళ్యాణ్ ఉస్తాద్ భగత్ సింగ్ సినిమాల్లో నటిస్తుంది. అయితే ఈ రెండు సినిమాలే భవిష్యత్ లో ఆమె కెరీర్ ను నిర్ణయించనున్నాయి.