Singer Sunitha : తెలుగు చిత్ర పరిశ్రమలో సింగర్ సునీత గురించి ప్రత్యేకంగా పరిచయం అక్కర్లేదు. తన స్వీట్ వాయిస్ తో ఎంతోమందిని తన వైపు తిప్పుకుంది. ఎన్నో సినిమాలకు పాటలు పాడడమే కాకుండా.. ఎంతో మంది హీరోయిన్లకు కూడా డబ్బింగ్ చెప్పి మంచి క్రేజ్ సంపాదించుకుంది. సునీత కెరియర్ పరంగా ఎన్నో అవార్డులను సైతం అందుకుంది. కానీ తన పర్సనల్ జీవితంలో మాత్రం ఎన్నో ఒడిదుడుకులను ఎదుర్కొంది సునీత. తను రెండో పెళ్లి చేసుకున్నప్పుడు కూడా పలు రకాల రూమర్స్ ఈమె పైన ఎక్కువగా వినిపించాయి. ఒకరకంగా వాటి వల్ల కూడా క్రేజ్ మరింత పెరిగిందని చెప్పవచ్చు.
ఈ క్రమంలోనే సునీత ఉపద్రష్ట అరుదైన ఘనత సాధించారు. ఈ వేళలో నీవు అంటూ ఇండస్ట్రీలోకి ఎంట్రీ ఇచ్చింది. సునీత తన మధుర స్వరంతో కోట్ల మంది అభిమానులను సొంతం చేసుకున్నారు. తాజాగా ఆమె పుట్టినరోజు సందర్భంగా ఓ అరుదైన ఘనతను దక్కించుకున్నారు. సునీత పుట్టినరోజును అభిమానులు ఘనంగా నిర్వహించారు. ఇందులో భాగంగా ఆమె ఫ్యాన్స్.. న్యూయార్క్ సిటీలోని టైమ్స్ స్క్వేర్ బిల్‌బోర్డ్‌లో సునీత వీడియోను ప్రదర్శించారు. ఇప్పటి వరకు అతి కొద్ది మందికే ఈ అరుదైన అవకాశం లభించగా.. ఇప్పుడు సునీత కూడా ఆ జాబితాలో చేరారు. పుట్టినరోజును పురస్కరించుకుని అభిమానులు సునీత ఇప్పటి వరకు పొందిన అవార్డులతో పాటు ఆమె సాధించిన పురస్కారాలతో కూడిన వీడియోను ప్రదర్శించారు. న్యూయార్క్‌లోని టైమ్స్ స్క్వేర్ బిల్‌బోర్డ్‌లో ప్లే చేశారు. మే 12న ప్రతి గంటకు 60సెకండ్ల పాటు ఈ వీడియో ప్రదర్శించారు.
