Shivaji : ఈ సీజన్ బిగ్ బాస్ హౌస్ ఆసక్తి కరమైన టాస్కులతో , ఊహకందని ట్విస్టులతో ఎన్నో భావోద్వేగాలు మరియు ఫన్ నడుమ 12 వారాలు పూర్తి చేసుకొని, ఇప్పుడు 13 వ వారం లోకి అడుగుపెట్టింది. ఈ వారం బిగ్ బాస్ హౌస్ నుండి బయటకి వెళ్ళడానికి ఒక్క అమర్ దీప్ తప్ప హౌస్ మేట్స్ అందరూ నామినేట్ అయ్యారు. ఇకపోతే గత వారం తోనే హౌస్ లో కెప్టెన్సీ టాస్కులు మొత్తం పూర్తి అయ్యాయి.
ఈ వారం టికెట్ తో ఫినాలే టాస్కు ప్రారంభం అయ్యింది. ఈ టాస్కుకి ‘ఫైనల్ అస్త్ర’ అని పేరు పెట్టారు. మొదటి రౌండ్ లో పల్లవి ప్రశాంత్ అందరికంటే ముందుగా అవుట్ అయిపోయాడు. ఆ తర్వాత గౌతమ్ మరియు శోభా శెట్టి, తర్వాత శివాజీ మరియు ప్రిన్స్ యావర్ అవుట్ అయ్యారు. చివరికి అమర్ దీప్, ప్రియాంక మరియు అర్జున్ టాస్కులో టాప్ 3 గా నిలిచారు.
ఈ ముగ్గురిలో కాసేపటికి అమర్ దీప్ అవుట్ అవ్వగా, చివరికి ప్రియాంక మరియు అర్జున్ నిలిచారు. అంత పెద్ద టాస్కు లో అంత మంది మగవాళ్ళని ఓడించి చివరి వారుకు ప్రియాంక నిలబడడం అనేది సాధారణమైన విషయం కాదు. అయితే ఈ టాస్కులో చివరికి అర్జున్ గెలిచాడు. అలాగే సెకండ్ రౌండ్ పూల టాస్కు లో పల్లవి ప్రశాంత్ 600 పూలని సేకరించి ఆ రౌండ్ విజేతగా నిలబడగా, ఆ తర్వాతి బాల్స్ టాస్కు లో అందరి కంటే తక్కువ పాయింట్స్ ఉన్న శివాజీ మరియు శోభా శెట్టి ని టాస్కు నుండి తొలగించారు.
అయితే వాళ్ళిద్దరి పాయింట్స్ ని ఎవరో ఒకరికి మాత్రమే ఇవ్వాలని బిగ్ బాస్ చెప్పడం తో, ఇద్దరు కలిసి అమర్ దీప్ కి ఇచ్చేస్తారు. అలా మూడవ రౌండ్ లో అమర్ దీప్ విజేతగా నిలిచారు. వీరిలో పల్లవి ప్రశాంత్ లేదా అర్జున్ ‘ఫైనల్ అస్త్ర’ ని గెలిచే అవకాశాలు ఎక్కువ ఉన్నాయని అంటున్నారు.
