Pawan Kalyan : మనసుకి అనిపించింది ఏ మాత్రం ఫిల్టర్ లేకుండా ముఖం మీద కుండబద్దలు కొట్టేట్టు చెప్పే మనస్తత్వం ఉన్న వ్యక్తి హీరో శివాజీ. ఇతను హీరో శివాజీ గా ఎంతమంది అభిమానులను సంపాదించుకున్నాడో తెలియదు కానీ, బిగ్ బాస్ హౌస్ లో అద్భుతంగా ఆడి, కోట్లాది మంది అభిమానం ని సొంతం చేసుకొని శివన్న గా బయటకి వచ్చాడు.
పదేళ్ల పాటు సినీ కెరీర్ ని విడిచిపెట్టి, మళ్ళీ సినిమాల్లోకి రావాలని ప్రయత్నిస్తున్న రోజుల్లో బిగ్ బాస్ ఆఫర్ రావడం, వెంటనే ఆయన ఒప్పుకొని హౌస్ లోకి వచ్చి అద్భుతంగా ఆడడం వల్ల అతను సినిమాల్లో మళ్ళీ రీ ఎంట్రీ ఇవ్వడానికి కావాల్సినంత ఫేమ్ మరియు క్రేజ్ దక్కింది. ఇకపోతే ఆయన బిగ్ బాస్ హౌస్ లోకి వెళ్లే ముందు ’90s’ అనే వెబ్ సిరీస్ చేసాడు. ఈ వెబ్ సిరీస్ అతి త్వరలోనే ఈటీవీ విన్ యాప్ లో స్ట్రీమింగ్ కాబోతుంది.
ఈ సందర్భంగా శివాజీ ఏర్పాటు చేసిన విలేఖరుల సమావేశం లో పవన్ కళ్యాణ్ గురించి ఒక రిపోర్టర్ అడిగిన ప్రశ్నకి శివాజీ ఇచ్చిన సమాధానం ఇప్పుడు సోషల్ మీడియా లో తెగ వైరల్ గా మారింది. ఆయన మాట్లాడుతూ ‘పవన్ కళ్యాణ్ గారు బలంగా కోరుకుంటే ముఖ్య మంత్రి అవ్వడం పెద్ద కష్టమేమి కాదు.
ఈ రెండు తెలుగు రాష్ట్రాల్లో చిరంజీవి మరియు పవన్ కళ్యాణ్ కి ఉన్నంత ఫ్యాన్ ఫాలోయింగ్ ఎవరికీ లేదు. కానీ ఎక్కడో ఎదో చిన్న లోపం ఉంది. సరిగ్గా అది కుదరడం లేదు, అందుకే పవన్ కళ్యాణ్ గారు సీఎం కాలేకపోయారు’ అంటూ శివాజీ చేసిన కామెంట్స్ ఇప్పుడు వైరల్ గా మారాయి. గతం లో కూడా శివాజీ ఇదే చెప్పేవాడు, జగన్ కి ముఖ్యమంత్రి అవ్వాలని ఫోకస్ ఒక రేంజ్ లో ఉండేది, ఆ రేంజ్ ఫోకస్ పవన్ కళ్యాణ్ కి ఉంటే తిరుగు లేదు అని చెప్పేవాడు, ఇప్పుడు మరోసారి కూడా అదే కామెంట్ చేసాడు.