Shanmukh Jaswanth : బిగ్ బాస్ ఫేమ్, యూట్యూబ్ స్టార్ షణ్ముఖ్ జస్వంత్ గంజాయితో అరెస్ట్ కావడం ఇప్పుడు సంచలనంగా మారింది. ఓ యువతి ఫిర్యాదు మేరకు పోలీసులు షణ్ముఖ్ జస్వంత్ సోదరుడు సంపత్ వినయ్ వద్దకు వెళ్లగా, ఇద్దరు సోదరులు బై వన్ గెట్ వన్ ఆఫర్‌గా గంజాయితో పట్టుబడ్డారు. గంజాయి తాగుతూ పట్టుబడిన షణ్ముఖ్ జస్వంత్ పోలీసుల విచారణలో సంచలన నిజాలు బయటపెట్టాడు. ఆయన పరిస్థితి బాగాలేదని, కొంతకాలంగా డిప్రెషన్‌తో బాధపడుతున్నట్లు సమాచారం. తను ఆత్మహత్య చేసుకోవాలనే ఆలోచనలు , డిప్రెషన్‌ను అధిగమించేందుకు గంజాయి తాగేవాడని షణ్ముఖ్ వివరించినట్లు పోలీసు వర్గాలు తెలిపాయి.
ఓ యువతి ఫిర్యాదుతో షణ్ముఖ్ సోదరుడు సంపత్‌పై పోలీసులు కేసు నమోదు చేశారు. సంపత్‌ని అరెస్ట్ చేయడానికి ఇంటికి వెళ్లినప్పుడు, షణ్ముఖ్ గంజాయి తో పట్టుబడటం సంచలనంగా మారింది. ఇద్దరినీ అరెస్ట్ చేసి పోలీస్ స్టేషన్‌కు తరలించారు. గంజాయి ఎక్కడి నుంచి వచ్చిందని షణ్ముఖ్‌ని ప్రశ్నించగా.. అతడి మానసిక పరిస్థితి బాగాలేదని చెప్పాడు. కాగా, షణ్ముఖ్ శనివారమే బెయిల్ పై బయటకు వచ్చాడు. ఇదిలా ఉంటే.. షణ్ముఖ్ అన్న సంపత్ వినయ్.. లీలలు ఒక్కొక్కటిగా బయటకు వస్తున్నాయి. 2016లో థిక్ షేక్ ఫ్యాక్టరీ ఫ్రాంచైజీ పేరుతో ఓ యువతికి రూ. 20 లక్షలు మోసపోయాడని సమాచారం. ఎంబీఏ క్లాస్‌మేట్‌ అయిన అమ్మాయికి చాలా లాభాలు వస్తాయని నమ్మించి ఆమెతో బ్రాంచ్‌ ఓపెన్‌ చేసి అన్నీ తానే చూసుకుంటున్నాడు. కానీ.. ఆ అమ్మాయి.. నెలకు 7 వేలు మాత్రమే లాభంగా ఇచ్చి.. మిగతాదంతా నొక్కేస్తున్నాడని గ్రహించిన ఆ యువతీ మోసపోయానని తెలిసి డబ్బులు అడగ్గా బ్లాక్ మెయిల్ చేయడంతో ఆమె ఏమి మాట్లాడలేక పోయింది. తర్వాత సైలెంట్ అయిపోయింది. సంపత్ వినయ్ లీలలు ఒక్కొక్కటిగా బయటకు వస్తుండడంతో.. బాధితులు కూడా ఒక్కొక్కరుగా బయటకు వస్తూ.. తమ గోడును వెల్లబోసుకుంటున్నారు.