Nithin : టాలీవుడ్ యంగ్ హీరో నితిన్ ప్రస్తుతం హిట్ సినిమాల కోసం ఎదురు చూస్తున్నాడు. ఈ మధ్య తాను నటించిన సినిమాలు ఏవీ మంచి హిట్ టాక్ అందుకోలేకపోయాయి. దాంతో కాస్త గ్యాప్ తీసుకున్న నితిన్ ప్రస్తుతం బ్యాక్ టు బ్యాక్ సినిమాలు లైన్లో పెట్టాడు. రెండు సినిమాలను ఒకేసారి ప్రేక్షకుల ముందుకు తీసుకురావాలంటూ ప్రయత్నిస్తున్నాడు. ప్రస్తుతం రాబిన్‌హుడ్‌, తమ్ముడు చిత్రాలపైనే నితిన్ ఆశలన్నీ పెట్టుకున్నారు. తమ్ముడు సినిమాకు హీరోయిన రాశీఖన్నా భారీ షాక్ ఇచ్చినట్లు తెలుస్తోంది. ఆమె స్థానంలో ప్రస్తుతం కత్తి లాంటి హీరోయిన్ ఫిక్స్ చేసిందట చిత్రబృందం. ఈ వార్త ఇండస్ట్రీలో చక్కర్లు కొడుతుంది.
వేణు శ్రీరామ్‌ దర్శకత్వంలో `తమ్ముడు సినిమాను చేస్తున్నాడు నితిన్.. సినిమా కథ కొత్తగా ఉండబోతుందని ఇటీవల విడుదల చేసిన పోస్టర్ ను చూస్తే అర్థమవుతుంది. ఈ సినిమాను ప్రముఖ నిర్మాత దిల్ రాజు నిర్మిస్తున్నారు.. ఇటీవల నితిన్ ఫస్ట్ లుక్ ను రివీల్ చేసిన సంగతి తెలిసిందే. ఆ పోస్టర్ కు మంచి రెస్పాన్స్ వచ్చింది. సినిమా కోసం అభిమానులు ఈగర్ గా వెయిట్ చేస్తున్నారు. అందులోనూ పవన్ కళ్యాణ్ సినిమా టైటిల్ కావడంతో సినిమా కోసం అటు పవన్ అభిమానులు కూడా ఆసక్తిగా ఉన్నారు.
ఇదిలా ఉండగా.. ఈ సినిమాకు తొలుత రాశిఖన్నాను హీరోయిన్ గా ఫిక్స్ అయ్యారట. కానీ ఇప్పుడు కన్నడ హీరోయిన్ ను ఫిక్స్ చేశారు. కాంతార సినిమాతో ఓవర్ నైట్ స్టార్ హీరోయిన్ అయిన బ్యూటీ సప్తమి గౌడ ను ఎంచుకున్నారట. ఈ సినిమాతో సప్తమి గౌడ తెలుగులోకి ఎంట్రీ ఇవ్వబోతుంది. అలాగే సీనియర్ హీరోయిన్ లయ కూడా ఈ సినిమాతో రీ ఎంట్రీ ఇవ్వనుంది. నితిన్ కు అక్కగా నటిస్తుందని సమాచారం. దీనిపై త్వరలోనే అధికారక ప్రకటన రావాల్సి ఉంది. ఇకపోతే ఈ సినిమా కోసం నితిన్ పెద్ద సాహసం చేస్తున్నాడు.. ఈ ఫైట్ సీన్ కోసం దాదాపు ఎనిమిది కోట్ల బడ్జెట్ ను పెట్టనున్నట్లు సమాచారం. అజనీష్‌ లోక్‌నాథ్‌ ఈ సినిమాకు అద్భుతమైన సంగీతం అందించారు.