Sandeep Vanga : ఇన్నేళ్ల తెలుగు చలన చిత్ర పరిశ్రమలో ఎంతో మంది దిగ్గజ నటులు ఉన్నారు. కోట్లాది మంది అభిమానుల అభిమానం ని సొంతం చేసుకున్న హీరోలు ఉన్నారు. కానీ ఒక్కరికి కూడా ఉత్తమ నటుడి జాబితాలో నేషనల్ అవార్డు రాలేదు. ఎక్కువగా తమిళ సినిమా ఇండస్ట్రీ లో ఉన్న హీరోలకు, అలాగే మలయాళం సినిమా ఇండస్ట్రీ లో ఉన్న హీరోలకు మాత్రమే అవార్డ్స్ ఇస్తూ వచ్చారు కానీ, తెలుగు సినిమాని చాలా నిర్లక్ష్యం చేసారు.
కానీ #RRR చిత్రం తర్వాత సమీకరణాలు మారాయి, ప్రపంచం మొత్తం మన తెలుగు సినిమా వైపు చూస్తున్న ఈరోజుల్లో నేషనల్ అవార్డ్స్ ఇచ్చేవారు చూడడం పెద్ద కష్టమేమి కాదు. అందుకే స్టైలిష్ స్టార్ అల్లు అర్జున్ కి నేషనల్ అవార్డు వచ్చింది అనేది చాలా మంది అభిప్రాయం. పుష్ప సినిమా సృష్టించిన ప్రభంజనం అది కేవలం అల్లు అర్జున్ నటన వల్లే, అందులో ఎలాంటి సందేహం లేదు.
రీసెంట్ గా ‘ఎనిమల్’ మూవీ ప్రొమోషన్స్ లో భాగంగా సందీప్ వంగ ఇచ్చిన ఒక ఇంటర్వ్యూ లో కూడా ఇదే విషయాన్నీ ప్రస్తావించాడు. ఆయన మాట్లాడుతూ ‘అల్లు అర్జున్ గారికి పుష్ప సినిమా కి ఉత్తమ నటుడి క్యాటగిరీ లో నేషనల్ అవార్డు రావడం నాకు ఎంతో సంతోషాన్ని కలిగించింది.
కానీ నేషనల్ అవార్డు కోసం 68 ఏళ్ళ నుండి మన టాలీవుడ్ మేకర్స్ ఎందుకు బలంగా ప్రయత్నం చెయ్యలేదు. సరైన పద్దతిలో దరఖాస్తు చేసుకొని ఉండి ఉంటే నేషనల్ అవార్డు దక్కడం పెద్ద కష్టమేమి కాదు’ అని చెప్పుకొచ్చాడు సందీప్. కేవలం ఆయన అభిప్రాయం మాత్రమే కాదు, సోషల్ మీడియా లో నెటిజెన్స్ అభిప్రాయం కూడా అదే. అల్లు అర్జున్ ఒక పక్క ప్రణాళిక తో వెళ్ళాడు కాబట్టి అవార్డు వచ్చింది, మిగిలిన వాళ్ళు ఆ స్థాయి కసి చూపించలేదు, అందుకే ఇన్ని రోజులు అవార్డు రాలేదు అని చెప్పుకొస్తున్నారు.