Saipallavi : ఇటీవల కాలంలో హీరోయిన్ సాయి పల్లవి పై నెగిటివ్ కామెంట్స్ చేసే నటీనటులు ఎక్కవయ్యారు. మరీ ముఖ్యంగా ఆమె ఏ ముహూర్తన బాలీవుడ్ ఇండస్ట్రీలో అడుగుపెట్టిందో కానీ అప్పటి నుంచి అక్కడ సాయి పల్లవిను అణగతొక్కే ప్రయత్నాలు ముమ్మరంగా సాగుతున్నాయని ఆమె అభిమానులు ఆవేదన వ్యక్తం చేస్తున్నారు. రణభీర్ కపూర్ రాముడిగా సాయి పల్లవి సీతగా బాలీవుడ్ ఇండస్ట్రీలో నితీష్ తివారీ దర్శకత్వంలో ప్రతిష్టాత్మకంగా రామాయణం సినిమా తెరకెక్కుతున్న విషయం తెలిసిందే. ఈ సినిమా సగం షూటింగ్ ను పూర్తి చేసింది చిత్ర యూనిట్. ఈ మధ్య రణబీర్ రాముడిగా.. సీతగా సాయిపల్లవి ఫోటోలు కూడా లీక్ అయ్యాయి.
అయితే ఈ లుక్స్ లో వారిద్దరూ చాలా బాగున్నారని బాలీవుడ్ ప్రముఖులు తెగ మెచ్చుకుంటున్నారు. తాజాగా బాలీవుడ్ నటుడు సునీల్ చేసిన కామెంట్లు ఇప్పుడు సోషల్ మీడియాలో చర్చనీయాంశంగా మారాయి. బుల్లితెర రామాయణంలో నటించి తనకంటూ ప్రత్యేక గుర్తింపు సంపాదించుకున్న సునీల్.. సీతగా సాయిపల్లవి అస్సలు సెట్ అవ్వదంటూ తేల్చి చెప్పేశాడు. ఆయన మాట్లాడుతూ.. ‘‘సాయి పల్లవి నటన గురించి నాకు తెలియదు ఆమె నటించిన సినిమాలు నేను ఒక్కటి కూడా చూడలేదు.. అయితే సాయి పల్లవి లుక్స్ సీత లుక్స్ కి మ్యాచ్ అవ్వవు.. సీత లుక్స్ చాలా ట్రెడిషనల్ గా ఉండాలి.
ఆమె ఫేస్ కట్ లో నాకు ఎక్కడ అలా కనిపించలేదు .. ఇక రణ్ బీర్ కపూర్ విషయానికొస్తే యానిమల్ సినిమాలో ఆయన పర్ఫామెన్స్ చూసిన తర్వాత ఎవ్వరైనా రాముడి పాత్రలో రణబీర్ ని ఊహించుకుంటారా..? అస్సలు వీళ్ల ఇద్దరూ ఆ పాత్రలకు సూట్ కారు అంటూ తేల్చి చెప్పేసాడు”. ఆయన మాటలు ఇప్పుడు బాలీవుడ్ ఇండస్ట్రీలో వైరల్ అవుతున్నాయి. అయితే చాలామంది సునీల్ మాటలను తప్పుపడుతున్నారు. లుక్స్ పరంగా వాళ్లిద్దరికీ బాగా సెట్ అయిందని కచ్చితంగా ఈ సినిమా మంచి హిట్ అందుకుంటుందని ధీమా వ్యక్తం చేస్తున్నారు. ఇక ఈ విషయం తెలుసుకున్న సాయిపల్లవి ఫ్యాన్స్ సునీల్‌పై మండిపడుతున్నారు.