Ravi Teja : మెగాస్టార్ చిరంజీవి ని ఆదర్శంగా తీసుకొని ఎలాంటి బ్యాక్ గ్రౌండ్ ఇమేజి లేకుండా ఇండస్ట్రీ కి వచ్చి సక్సెస్ అయిన హీరోలు చాలా మంది ఉన్నారు. అలాంటి వారిలో ఒకరు మాస్ మహారాజ రవితేజ. ఇండస్ట్రీ లో ఈయన హీరో గా మారేముందు ఎన్నో కష్టాలను ఒడిదుడుగులను ఎదురుకున్నాడు. ముందుగా కెరీర్ లో అసిస్టెంట్ డైరెక్టర్ గా చాలా సినిమాలు చేసాడు. ఎంతో మంది డైరెక్టర్స్ తో పని చేసాడు. ఈ విషయం స్వయంగా రవితేజని చెప్పుకొచ్చాడు.
కృష్ణ వంశి , రాఘవేంద్ర రావు , ఈవీవీ సత్యనారాయణ ఇలా ఎంతో మంది దగ్గర రవితేజ అసిస్టెంట్ డైరెక్టర్ గా పని చేసాడు. ఇదంతా పక్కన పెడితే రవితేజ గురించి ఎవరికీ తెలియని ఒక ఆసక్తికరమైన విషయం బయటకి వచ్చింది. అదేమిటంటే ఆయన ఒక పవన్ కళ్యాణ్ సినిమాకి కూడా అసిస్టెంట్ డైరెక్టర్ గా పని చేసాడట. ఈ విషయం చాలా మందికి తెలియదు.
ఇక అసలు విషయానికి వస్తే పవర్ స్టార్ పవన్ కళ్యాణ్ తన మొదటి సినిమా ‘అక్కడ అమ్మాయి..ఇక్కడ అబ్బాయి’ చిత్రానికి ఈవీవీ సత్యనారాయణ దర్శకత్వం వహించిన సంగతి మన అందరికీ తెలిసిందే. ఈ సినిమా కమర్షియల్ గా యావరేజి రేంజ్ లో ఆడింది కానీ, పవన్ కళ్యాణ్ కి మాత్రం మంచి పేరు ప్రఖ్యాతలు తెచ్చిపెట్టింది. అయితే ఈ సినిమాకి అసిస్టెంట్ డైరెక్టర్ గా రవితేజ చేసాడట. పవన్ కళ్యాణ్ కి చాలా సన్నివేశాలు ఆయనే వివరించేవాడట.
అలా కొన్నాళ్ళు షూటింగ్ చేసిన తర్వాత రవితేజ కిక్యారక్టర్ ఆర్టిస్టు గా అవకాశాలు బాగా రావడం తో ఈ సినిమా నుండి మధ్యలోనే తప్పుకున్నాడు. ఇక ఆ తర్వాత ఆయన అంచలంచలుగా ఎదుగుతూ ఇండస్ట్రీ లో దూసుకొచ్చాడు. హీరో గా ఆయనకీ బ్రేక్ రావడానికి చాలా సమయమే పట్టింది. కానీ ఒక్కసారి సక్సెస్ చూసిన తర్వాత మళ్ళీ ఆయనకీ వెనక్కి తిరిగి చూసుకోవాల్సిన అవసరం రాలేదు.