Ravi Teja : వరుస డిజాస్టర్ ఫ్లాప్స్ తర్వాత మాస్ మహారాజ రవితేజ హీరో గా నటించిన చిత్రం ‘ఈగల్’. కార్తీక్ ఘట్టమనేని దర్శకత్వం లో తెరకెక్కిన ఈ సినిమా సంక్రాంతి కానుకగా జనవరి 13 వ తారీఖున విడుదల కావాల్సి ఉంది. కానీ ఆ సమయం లో థియేటర్స్ సమస్య ఏర్పడడంతో విడుదల వాయిదా వెయ్యాల్సి వచ్చింది. అలా వెనక్కి వెళ్లిన ఈ సినిమా ఫిబ్రవరి 9 వ తేదీన విడుదలకు సిద్ధం అవుతుంది.
ఈ సినిమాకి సంబంధించిన ప్రమోషనల్ కార్యక్రమాలు చకచకా మొదలు అయ్యాయి.ఇప్పటికే ఈ సినిమాకి సంబంధించిన టీజర్, ట్రైలర్ మరియు పాటలకు ఫ్యాన్స్ మరియు ఆడియన్స్ నుండి మంచి రెస్పాన్స్ వచ్చింది. ఇదంతా పక్కన పెడితే ఈ సంక్రాంతికి విడుదలై ఇప్పటికీ బాక్స్ ఆఫీస్ వద్ద మంచి వసూళ్లు రాబడుతూ దూసుకుపోతున్న ‘హనుమాన్’ చిత్రం క్రేజ్ ని రవితేజ తెగ వాడేస్తున్నాడు. అది మామూలు రేంజ్ వాడకం కాదనే చెప్పాలి.
అసలు విషయానికి వస్తే ‘ఈగల్’ మూవీ విడుదల అవుతున్న సందర్భంగా రవితేజ పలు ఇంటర్వ్యూస్ ఇచ్చాడు. అందులో ఒక ఇంటర్వ్యూ ‘హనుమాన్’ చిత్రం హీరో తేజా సజ్జల చేసాడు. ఈ ఇంటర్వ్యూ ఇప్పుడు యూట్యూబ్ లో బాగా ట్రెండ్ అవుతుంది. రవితేజ కి మొదటి నుండి తేజ తో మంచి సాన్నిహిత్యం ఉంది. తేజకి జీవితం లో ఎలాంటి మోరల్ సపోర్ట్ అవసరమైనా ఇవ్వడానికి ముందు ఉంటాడు రవితేజ. ఈ ఇంటర్వ్యూ లో మొత్తం ‘ఈగల్’ చిత్ర విశేషాలే ఉన్నాయి.
మద్యమద్యలో కొన్ని ఫన్నీ జోక్స్ తో సరదాగా అలా సాగిపోతుంది ఈ ఇంటర్వ్యూ. దీంతో సోషల్ మీడియా లో నెటిజెన్స్ ‘హనుమాన్’ క్రేజ్ ని రవితేజ తన సినిమా కోసం తెగ వాడేస్తున్నాడు అని నెటిజెన్స్ కామెంట్స్ చేస్తున్నారు. ఇకపోతే ‘హనుమాన్’ చిత్రం లో రవితేజ కోటి అనే కోతి క్యారక్టర్ కి వాయిస్ ఓవర్ ఇచ్చిన సంగతి తెలిసిందే. త్వరలోనే ఈ కోతి మీద సినిమా తియ్యబోతున్నాడు ప్రశాంత్ వర్మ.
