Rajinikanth : సౌతిండియా సూపర్ స్టార్ రజనీకాంత్ హీరోగా నెల్సన్ దిలీప్ కుమార్ తెరకెక్కించిన ‘జైలర్’ ఇటీవ‌ల విడుదలై ఎలాంటి రికార్డులు సృష్టించిందో ప్రత్యేకంగా చెప్పాల్సిన పనిలేదు. బాక్సాఫీస్ వ‌ద్ద దాదాపు రూ.700 కోట్ల వసూళ్లు నమోదు చేసింది. ఛాన్నాళ్ల తర్వాత రజనీ స్టామినాను మరో సారి వెలుగులోకి తెచ్చిన సినిమా జైలర్. దీంతో చిత్ర నిర్మాత క‌ళానిధి మార‌న్ రజనీ కాంత్ కు అదనంగా మరో 100కోట్లు పారితోషికం అందించ‌డం…ద‌ర్శకుడికి..మ్యూజిక్ డైరెక్టర్ కు అదనంగా ఖ‌రీదైన కార్లు ఇవ్వడం జరిగింది. ప్రస్తుతం ఇదే ఉత్సాహంతో ఈ సినిమాకు సీక్వెల్ తెర‌కెక్కిస్తున్నట్లు ప్రకటించారు. అనౌన్స్ అయితే చేశారు కానీ ఇంత త్వరగా సీక్వెల్ సాధ్యమవుతుందా అన్నది సందేహమే. ఇప్పటికే రజనీకాంత్.. నెల్సన్ కి వేర్వేరు కమిట్ మెంట్లు ఉన్నాయి. ఒప్పుకున్న ప్రకారం వాటిని పూర్తి చేయాలి. ఆ తర్వాతే వారి కాంబో సెట్ అవుతుంది. అప్పటికీ ఎంత టైం పడుతుందో చెప్పలేము. కానీ అందరి ఊహాగానాలకు తెర దించుతూ జైలర్ 2ను వేగంగా పట్టాలెక్కించే ప్లాన్ లో ఉంది చిత్ర బృందం.
ఈ సీక్వెల్ కి నెల్సన్ దిలీప్ కుమార్ అప్పుడే పారితోషకం కూడా అందుకున్నట్లు తెలుస్తోంది. ఈ విష‌యాన్ని సినీ విశ్లేష‌కులు ట్వీటర్లో తెలియజేశారు. ఆయన ఏకంగా రూ.55 కోట్లు అడ్వాన్స్ గా తీసుకున్నట్లు తెలిపారు. ఇది కేవలం అడ్వాన్స్ మాత్రమేనని జైలర్ 2 రిలీజ్ తర్వాత ఇంకా పెద్ద మొత్తంలో చెల్లించేలా ఒప్పందం చేసుకున్నట్లు తెలుస్తోంది. ఇక ఈ సినిమాని పాత టీమ్ తోనే తెర‌కెక్కించనున్నారు. రజనీకాంత్ హీరోగా…అనిరుధ్ సంగీతం అందించ‌నున్నారు. సన్ పిక్చర్స్ సినిమాను నిర్మించనున్నారు. ప్రస్తుతం రజినీ రెండు సినిమాలకు కమిట్ అయ్యారు. వాటితో పాటే ఈ సినిమాను కూడా పట్టాలెక్కించాలని అనుకుంటున్నారు. రజనీకాంత్ ప్రస్తుతం జ్ఞాన్ వేల్ రాజాతో ఓ సినిమా.. లోకేష్ క‌న‌గ‌రాజ్ తో మరో సినిమాలో చేస్తున్నారు. అలాగే రజనీ న‌టిస్తోన్న ‘లాల్ స‌లాం’ త్వరలో రిలీజ్ కాబోతుంది.
