బాహుబలి, ఆర్ఆర్ఆర్ సినిమాలతో దర్శకధీరుడు రాజమౌళి అంటే ఏమిటో చూపించాడు. తన తదుపరి చిత్రం అంతకుమించి ఉండేందుకు జక్కన్న ప్రయత్నిస్తున్నాడు. సాధారణంగా రాజమౌళి సినిమా తీస్తున్నడంటేనే రెండు మూడేళ్ల ముందు నుంచే గాసిప్స్ మొదలవుతాయి… షూటింగ్ కి రెండేళ్ల టైం, ఇంకా టెక్నికల్, పోస్ట్ ప్రొడక్షన్ పనులు కలుపుకుని మరో ఏడాది చేసినా చేస్తారు. అయితే.. ఎంత లేట్ అయినా జక్కన్న ఎంట్రీ మాత్రం లేటెస్ట్ గా ఉంటుంది. ఆయన సినిమా ఎంత లేటయినా దానిపై బజ్ వేరే
లెవల్లో ఉంటుంది. దీంతో రాజమౌళి సినిమాల కోసం టాలీవుడ్ మాత్రమే కాదు.. బాలీవుడ్ సైతం ప్రస్తుతం ఆతృతగా ఎదురు చూస్తుంది.
ఆర్ఆర్ఆర్ తర్వాత సూపర్ స్టార్ మహేష్ బాబుతో సినిమా చేస్తున్నట్లు రాజమౌళి ఎప్పుడో ప్రకటించారు. ఈ సినిమాను ప్రముఖ నిర్మాణ సంస్థ దుర్గా ఆర్ట్స్ బ్యానర్ పై డా.కె.ఎల్.నారాయణ నిర్మించనున్నారు. ప్రస్తుతం ప్రీ ప్రొడక్షన్ వర్క్ జరుగుతుంది. త్వరలో ఈ సినిమా షూటింగ్ స్టార్ట్ చేయనున్నారు. పాన్ వరల్డ్ మూవీగా ఈ సినిమాను రూపొందించేందుకు చిత్ర బృందం ప్లాన్ చేస్తోంది. రీసెంట్ గా మహేష్ బాబు జిమ్ వీడియోను చూసిన రాజమౌళి సినిమా కోసమేనేమో అని ఫ్యాన్స్ చెవులు కోరుక్కుంటున్నారు. చాక్లెట్ బాయ్ లా ఉండే మహేష్ బాబుని కూడా జక్కన్న రూపు మార్చేస్తున్నారని అనుకుంటున్నారు. మహేష్ బాబు హీరోగా రూపొందుతున్న ఈ సినిమా ఆఫ్రికన్ సినిమాగా తెరకెక్కుతోంది. ఈ సినిమాలో ఎక్కువగా హాలీవుడ్ టెక్నికల్ టీం పని చేస్తున్నారు. నటులను కూడా ఎక్కువగా హాలీవుడ్ నుంచే తీసుకుంటున్నట్లు తెలుస్తోంది.
ఇదిలా ఉంటే.. మహేష్ బాబుతో చేసే సినిమా తర్వాత జక్కన్న ఎవరితో సినిమా చేయనన్నాడు అనేది ఆసక్తిగా మారింది. ఇప్పుడు ఈ సినిమా గురించి ఓ ఇంట్రస్టింగ్ న్యూస్ బయటకు వచ్చింది. ఈ సినిమా తరువాత రాజమౌళి తనకు దగ్గరైన ప్రభాస్, ఎన్టీఆర్ లతో కలిసి ఓ మల్టి స్టారర్ సినిమా తీయబోతున్నారని తెలుస్తోంది. ఇప్పటికే రాజమౌళి ఈ సినిమా గురించి ఓ లైన్ కూడా అనుకున్నారట. ఆఫ్ స్క్రీన్ ఈ ఇద్దరితోనూ రాజమౌళికి మంచి బాండింగ్ ఉంది. దాంతో అభిమానులు కూడా ఈ సినిమా గురించిన అప్ డేట్స్ కోసం ఎదురుచూస్తున్నారు.