Prabhas : అవును మీరు వింటున్నది నిజమే..ప్రభాస్ పేరు త్వరలోనే మారిపోబోతుందట. అదేంటి రెబెల్ స్టార్ కాకుండా, ఇనేకమైన బిరుదుతో పిలుస్తారా అని మీరు అనుకుంటే పొరపాటే. ఆయన అసలు పేరు ప్రభాస్ లోనే చిన్న మార్పు ఉండబోతుంది. జాతికే రీత్యా న్యూమరాలజీ ప్రకారం ప్రభాస్ ఇంగ్లీష్ పేరు ఒక్క ‘S’ ఉండడం గ్రహాలకు అనుకూలించట్లేదట.
అందుకే ప్రభాస్ కి బాహుబలి తర్వాత సరైన సక్సెస్ లేదని, ‘సలార్’ చిత్రం కూడా బ్రేక్ ఈవెన్ మార్కుకి దగ్గరగా వచ్చి ఆగిపోవడానికి అదే కారణం అట. అందుకే ప్రముఖ జ్యోతిష్యుడు ఇచ్చిన సూచన మేరకు ఇక నుండి తన సినిమాల్లో తన పేరుకి మరో ‘S’ జతచెయ్యమని చెప్తున్నాడట ప్రభాస్. అందుకే ఈరోజు విడుదలైన ప్రభాస్ కొత్త సినిమా ‘రాజా సాబ్’ ఫస్ట్ లుక్ పోస్టర్ లో ‘PRABHASS’ అని ఉంటుంది.ఇదే ఇప్పుడు సోషల్ మీడియా లో హాట్ టాపిక్ గా మారిన అంశం.
ప్రభాస్ కి ఇలాంటి నమ్మకాలు అంటే ఇష్టముండదు అట, కానీ ఆయన తల్లి బలవంతం చెయ్యడం తో ఒప్పుకొని పేరులో ఆ చిన్న మార్పు చెయ్యడానికి సిద్ధం అయ్యాడట. ఇక పోతే ‘సలార్’ వంటి భారీ బ్లాక్ బస్టర్ తర్వాత ప్రభాస్ ‘కల్కి’ మరియు ‘రాజా సాబ్’ అనే సినిమాలు చేస్తున్నాడు. ఈ రెండిట్లో ఏది ముందు వస్తుందో అని అభిమానులు కన్ఫ్యూజ్ అయ్యారు. కానీ ముందుగా ‘కల్కి’ సినిమా వస్తుందని రీసెంట్ గానే తేల్చి చెప్పేసారు.
ఈ చిత్రం మే 9వ తారీఖున ప్రపంచవ్యాప్తంగా ఘనంగా విడుదల అవ్వబోతుందట. ఇక ‘రాజా సాబ్’ చిత్రం ఈ ఏడాది చివర్లో కానీ, లేదా వచ్చే ఏడాది సంక్రాంతికి కానీ విడుదలయ్యే అవకాశాలు ఉన్నాయట. ముందుగా ఈ చిత్రానికి ‘రాజా డీలక్స్’ అనే టైటిల్ ని పెడదామని అనుకున్నారు. కానీ చివరికి ఆ టైటిల్ ని ‘రాజా సాబ్’ గా మార్చారు. ప్రభాస్ లుక్స్ ఈ ఫస్ట్ లుక్ పోస్టర్ లో అదిరిపోయింది.
