Keeravani : టాలీవుడ్ స్టార్ మ్యూజిక్ డైరెక్టర్ కీరవాణి గురించి ప్రత్యేకంగా పరిచయం అవసరం లేదు. ఆర్ఆర్ఆర్ సినిమాతో ఆస్కార్ అవార్డును అందుకున్న కీరవాణి.. తర్వాత మన్మథుడు నాగార్జున నటించిన ‘ నా సామిరంగ ’ సినిమాకు సంగీతం అందించాడు. ఆ సినిమా ప్రమోషన్స్‌లో భాగంగా ఓ ఇంటర్వ్యూకు హాజరయ్యాడు. ఇందులో ఎన్నో ఆసక్తికర విషయాలను షేర్ చేసుకున్నారు. ఈ క్రమంలో ఇంటర్వ్యూవర్ కీరవాణిని.. మీరు చాలా సెలెక్టివ్ గా సినిమాలో చేస్తుంటారు.. ఇలాంటి టైంలో ‘నా సామిరంగా’ ఒక సర్ప్రైజ్ ప్యాకేజీల వస్తుంది కదా.. ఆస్కార్ తో వచ్చిన హైప్.. ఈ సినిమా పై ఎలాంటి ప్రభావం చూస‌నుంది అంటూ సూటిగా ప్రశ్నించాడు.
దీనికి ఆయన సమాధానం ఇస్తూ ఆస్కార్ అవార్డు అనేది సినిమా సక్సెస్ కు పనికిరాదన్నారు. నేను మొదటి నుంచి సెలెక్టివ్ గానే సినిమాలు చేస్తున్న.. దాన్ని అందరూ అంగీకరిస్తున్నారు. ఒక సినిమాకి హైప్ అనేది విడుదలయ్యే పాటల ద్వారానే వస్తుంది. ఆస్కార్ అనేది ఒక సినిమా సక్సెస్ కి కొంచెం కూడా సంబంధం లేని ట్యాగ్ అని నేను భావిస్తాను. నా వరకు నేను బాగా పని చేయాలి.. డైరెక్టర్ బాగా తీయాలి. అది అలా జనాలకు అది కనెక్ట్ అవ్వాలంటూ చెప్పుకొచ్చాడు.
అంతేతప్ప నాకు ఆస్కార్ వచ్చిందని సినిమా ఆడదు కదా. హీరో నాగార్జునతో పని చేయడం నాకు బాగా అలవాటయిన విద్య. మా కాంబినేషన్‌లో వచ్చిన పత్రి సినిమా ఇప్పటివరకు హిట్ అయ్యాయి. నా సామిరంగ కూడా హిట్ అవుతుందని భావిస్తున్నా అంటూ చెప్పుకొచ్చాడు. ఇక నాగార్జున.. ‘ నా సామిరంగ ‘ మూవీ ఈ సారి సంక్రాంతి బరిలో జనవరి 14న రిలీజ్ కానుంది.