స్టార్ హీరో గా ఎదగడానికి కావాల్సిన అన్నీ లక్షణాలు ఉన్నప్పటికీ కేవలం మీడియం రేంజ్ హీరో గా స్థిరపడిపోయిన నటులలో ఒకడు సందీప్ కిషన్. ఇతని కెరీర్ మొత్తం మీద ‘వెంకటాద్రి ఎక్స్ ప్రెస్’ అనే హిట్ సినిమా తప్ప, మరో సూపర్ హిట్ లేకపోవడం శోచనీయం. ఆ సినిమా తర్వాత వరుసగా ఫ్లాప్స్ వస్తున్నప్పట్టికీ కూడా పట్టు వదలకుండా సినిమాలు చేస్తూనే ఉన్నాడు. కానీ సక్సెస్ కి మాత్రం ఆమడదూరం లోనే ఆగిపోయాడు.
రీసెంట్ గా ఆయన ‘ఊరిపేరు భైరవకోన’ అనే సినిమాతో మన ముందుకు రాబోతున్నాడు. వచ్చే నెల 9 వ తారీఖున ఈ సినిమా ప్రేక్షకుల ముందుకు రాబోతుంది. ఈ సినిమాకి విఐ ఆనంద్ దర్శకత్వం వహించాడు. ‘ఎక్కడికి పోతావు చిన్నవాడా’, ‘ఒక్క క్షణం’ వంటి సూపర్ హిట్ చిత్రాలను ఆయన గతం లో తెరకెక్కించాడు. రీసెంట్ గా ఈ సినిమాకి సంబంధించి విడుదలైన టీజర్, ట్రైలర్ కి ఆడియన్స్ నుండి మంచి రెస్పాన్స్ వచ్చింది.
ఇక ఈ సినిమాలోని ‘నిజమేలే చెప్తున్న’ అనే పాటకి ఏ రేంజ్ సెన్సేషనల్ రెస్పాన్స్ వచ్చిందో మనమంతా చూస్తూనే ఉన్నాం. కేవలం యూట్యూబ్ లో మాత్రమే కాదు, మిగిలిన మ్యూజిక్ ప్లాట్ ఫార్మ్స్ లో కూడా ఈ పాటకి రెస్పాన్స్ అదిరిపోయింది. ఇకపోతే ఈ ఇక్కునేంకి సంబంధించిన ప్రివ్యూ షో ని నిన్న ప్రసాద్ ల్యాబ్స్ లో కొంతమంది సినీ ప్రముఖులకు వేసి చూపించారు.
వాళ్ళ నుండి అద్భుతమైన రెస్పాన్స్ వచ్చింది. ప్రారంభం నుండి చివరి వరకు చాలా గ్రిప్పింగ్ స్క్రీన్ ప్లే డైరెక్టర్ ఆనంద్ చాలా చక్కగా తీసాడు అని, ప్రేక్షకులులకు ప్రతీ సన్నివేశం థ్రిల్ కి గురి చేసేలా ఉందని, హీరో హీరోయిన్ మధ్య లవ్ ట్రాక్ కూడా అదిరిపోయింది అంటూ పొగడ్తలతో ముంచి ఎత్తారట. ‘విరూపాక్ష’ తర్వాత అదే రేంజ్ హారర్ థ్రిల్లర్ సినిమా ఇదేనని, కచ్చితంగా ఈ చిత్రం ఆడియన్స్ ని అలరించి మరో సర్ప్రైజ్ హిట్ గా నిలుస్తుందని అంటున్నారు.
