Sai Pallavi : దక్షిణాది స్టార్ హీరోయిన్‌ల‌లో సాయి పల్లవి ఒక‌రు. ఫిదా సినిమాతో తనకంటూ ప్రత్యేకమైన ఇమేజ్ క్రియేట్ చేసుకుంది ఈ ముద్దుగుమ్మ. వాస్తవానికి తానో డాక్టర్. నటన అంటే ఇష్టంతో వైద్యరంగం నుంచి సినీ రంగంలోకి అడుగుపెట్టింది ఈ బ్యూటీ. పెళ్లిని కూడా వాయిదా వేసి మరీ నటనతో తన జీవితాన్ని కొనసాగిస్తుంది. కాగా ఇటీవల తన చెల్లెలు పెళ్లిని ఘనంగా నిర్వహించింది. మొదట మలయాళం ప్రేమమ్ సినిమాతో ఇండస్ట్రీకి ఎంట్రీ ఇచ్చింది. ఈ సినిమాతో భారీ బ్లాక్ బ‌స్టర్ అందుకుంది. ఇక సాయి పల్లవి నేచురల్ బ్యూటీ కి ప్రాధాన్యతనిస్తూ.. నటించే అన్ని పాత్రలలో డి గ్లామరస్ గా కనిపిస్తుంది. ఆమె నటించే పాత్రలన్నీ సహజంగా ఉండడంతో సాయిపల్లవికి పక్కింటి అమ్మాయి ఇమేజ్ వచ్చింది.
తాను చేయబోవు పాత్రలను ఆచి తూచి ఎంచుకుంటుంది ఈ ముద్దుగుమ్మ. తన పాత్రకు ఇంపార్టెన్స్ లేదనిపిస్తే అది ఎంత పెద్ద హీరో సినిమా అయినా రిజెక్ట్ చేస్తుంది. అలా ఈమె రిజెక్ట్ చేసిన సినిమాలు అన్నీ దాదాపు డిజాస్టర్ గా నిలిచాయి. ముఖ్యంగా ఇటీవల చిరంజీవితో భోళాశంకర్ సినిమాలో నటించే అవకాశం వచ్చింది. దాన్ని సాయి పల్లవి రిజెక్ట్ చేసింది. తీరా ఆ మూవీ విడుదలైన తర్వాత ఎలాంటి టాక్ తెచ్చుకుని బాక్సాఫీస్ వద్ద ఏ రేంజ్ డిజాస్టర్ మూటగట్టుకుందో తెలిసిందే. అంతకుముందు డియర్ కామ్రేడ్ సినిమాలో విజయ్ దేవరకొండ సరసన నటించే ఛాన్స్ సాయి పల్లకి వచ్చింది. ఆ ఆఫర్ ను కూడా రిజెక్ట్ చేసింది. ఈ మూవీలో ముద్దు సన్నివేశాలు ఎక్కువగా ఉండడంతో నేను చేయనంటూ చెప్పేసింది. ఆ తర్వాత ఈ రోల్ లో రష్మిక నటించింది. ఈ సినిమా కూడా ఆశించిన స్థాయిలో సక్సెస్ అందుకోలేదు.
తమిళ్లో అజిత్ సరసన వలిమై సినిమాలో నటించే అవకాశం వచ్చిన తనకు ఆ పాత్ర నచ్చకపోవడంతో వదిలేసిందట. ఇటీవల విజయ దళపతి హీరోగా వచ్చిన లియో సినిమాలోను హీరోయిన్ గా సాయిపల్లవినే అనుకున్నారట మేకర్స్. అందులో పాత్రకు ఇంపార్టెన్స్ లేకపోవడంతో దానిని రిజెక్ట్ చేసినట్లు తెలుస్తుంది. అలాగే చంద్రముఖి 2 లో కాంట్రవర్షియల్ బ్యూటీ కంగనా రనౌత్ కంటే ముందు సాయిపల్లవిని సంప్రదించారట మేకర్స్. ఈ సినిమా కథ నచ్చలేదని చెప్పేసిందట. ఈ సినిమా కూడా ప్లాప్ అయింది. అలా సాయి పల్లవి రిజెక్ట్ చేసిన సినిమాలు అన్ని దాదాపు ఫ్లాపులుగా మిగిలిపోయాయి. దీంతో సాయి పల్లవి ఏదైనా సినిమాను రిజెక్ట్ చేస్తే అది కచ్చితంగా ఫ్లాప్ అవుతుందన్న టాక్ మీడియాలో మొదలైంది. ప్రస్తుతం సాయి పల్లవి.. కమల్ హాసన్ ప్రొడ్యూసర్గా వ్యవహరిస్తున్న శివ కార్తికేయన్ సరసన హీరోయిన్ గా చేస్తోంది.