హీరో నితిన్ గురించి ప్రత్యేకంగా పరిచయం అవసరం లేదు. జయం సినిమాతో హీరోగా ఎంట్రీ ఇచ్చి మొదటి సినిమాతోనే అద్భుత విజయం సాధించాడు. ఆ తరువాత వరుస సినిమాలలో నటించి అదరగొట్టాడు. మధ్య లో కొన్ని ప్లాప్స్ వచ్చి నితిన్ ను ఎంతగానో ఇబ్బంది పెట్టాయి.ఆ తరువాత ‘ఇష్క్‌’ సినిమాతో తిరుగులేని కంబ్యాక్‌ ఇచ్చాడు యంగ్ హీరో నితిన్. ఈ సినిమా తర్వాత ఈ యంగ్ హీరో కెరీర్ మంచి స్పీడ్‌ అందుకుంది. ఆ వెంటనే ‘గుండె జారి గల్లంతయ్యిందే’, ‘హార్ట్‌ ఎటాక్‌’ సినిమాలు వరుస సినిమాలతో నితిన్ మార్కెట్‌ కూడా అమాంతం పెరిగింది.
ఆ తర్వాత మళ్ళీ రెండు ఫ్లాపులు వచ్చిన ‘అఆ’ సినిమా తో తిరిగి హిట్ అందుకున్నాడు. ఈ సినిమా భారీ విజయం సాధించింది.. కానీ ఆ తర్వాత నితిన్ నటించిన సినిమాలు ప్రేక్షకులకు అంతగా నచ్చలేదు. ఇక ఆ మధ్య వచ్చిన ‘భీష్మ’ సినిమా తో బ్లాక్‌బస్టర్‌ అందుకున్నాడు. కానీ ఆ తర్వాత మళ్లీ హాట్రిక్‌ ఫ్లాపులు పడటంతో నితిన్ కెరీర్ ఒడిదుడుకుల తో సాగుతుంది.ప్రస్తుతం నితిన్ దర్శకుడు వక్కంతం వంశీతో ఎక్స్‌ట్రా ఆర్డీనరి అనే సినిమా చేస్తున్నాడు.. డిసెంబర్‌ చివరి వారం లో విడుదల కాబోతున్న ఈ సినిమాలో శ్రీలీల హీరోయిన్‌ గా నటిస్తుంది.
ఇక ఈ సినిమా తర్వాత నితిన్.. తన కెరీర్ లో భీష్మ వంటి బ్లాక్‌బస్టర్‌ ఇచ్చిన వెంకీ కుడుముల తో మరో సినిమా చేస్తున్నాడు.. ఇప్పటికే ప్రీ ప్రొడక్షన్‌ పనులు కూడా పూర్తి కావస్తున్నాయి.కాగా తాజాగా నితిన్ మరో సినిమాను పట్టాలెక్కించే ప్లాన్‌లో ఉన్నాడని తెలుస్తుంది.. వకీల్‌సాబ్‌ దర్శకుడు వేణు శ్రీరామ్‌ చెప్పిన కథకు నితిన్ బాగా ఇంప్రెస్‌ అయ్యాడని సమాచారం.. దిల్‌ రాజు నిర్మాణ సారథ్యంలో ఈ సినిమా తెరకెక్కనుందని తెలుస్తుంది.. త్వరలోనే ఈ సినిమాకు సంబంధించి అధికారిక ప్రకటన వచ్చే అవకాశం వున్నట్లు సమాచారం.