యంగ్ హీరో నిఖిల్ నటించిన లేటెస్ట్ చిత్రం ‘స్పై’ రీసెంట్ గానే భారీ అంచనాల నడుమ విడుదలై డివైడ్ టాక్ ని రప్పించుకున్న సంగతి మన అందరికీ తెలిసిందే. కలెక్షన్స్ కూడా మొదటి రోజు తప్ప, రెండవ రోజు నుండి కనీస స్థాయి వసూళ్లను కూడా రాబట్టడం లేదు. ఈ చిత్రం సుమారుగా 17 కోట్ల రూపాయిల ప్రీ రిలీజ్ థియేట్రికల్ బిజినెస్ చేసింది.
ఈ లాంగ్ వీకెండ్ కి పది కోట్ల రూపాయిల షేర్ వసూళ్లు కూడా వచ్చేలా లేదు. వీకెండ్ కి ఇలా ఉంది అంటే ఇక మామూలు వర్కింగ్ డేస్ లో కనీస స్థాయి వసూళ్లు కూడా రావని అంటున్నారు ట్రేడ్ పండితులు. ‘కార్తికేయ 2 ‘ చిత్రం తర్వాత నిఖిల్ చేసిన ’18 పేజెస్’ అనే చిత్రం యావరేజి గా ఆడింది. ఇక ‘స్పై’ చిత్రం అయితే రీసెంట్ టైం లో ఆయన కెరీర్ లో పెద్ద డిజాస్టర్ ఫ్లాప్ అని చెప్పొచ్చు.
ఇక వసూళ్లు పెద్దగా వచ్చేలా లాగ కనిపించడం లేదు కాదు, నిర్మాత ముందు అనుకున్న డేట్ కంటే తొందరగా ఓటీటీ లో విడుదల చెయ్యడానికి చూస్తున్నట్టు ఇండస్ట్రీ వర్గాల్లో వినిపిస్తున్న టాక్. ఈ సినిమా డిజిటల్ రైట్స్ ని అమెజాన్ ప్రైమ్ సంస్థ సుమారుగా 10 కోట్ల రూపాయలకు డీల్ కుదురించుకున్నట్టు టాక్. కానీ ఇప్పుడు సినిమాకి థియేట్రికల్ రెవిన్యూ పెద్దగా ఏమి రావడం లేదు కాబట్టి, ఈ సినిమాని మూడు వారాల్లోపే ఓటీటీ కి ఇవ్వడానికి సిద్ధం అయ్యినట్టు టాక్.
ముందుగా ఈ చిత్రం విడుదలై 50 రోజులు పూర్తి అయితే కానీ ఓటీటీ లో స్ట్రీమింగ్ చెయ్యడానికి వీలు లేదు అని అగ్రిమెంట్ కుదరించుకున్నారు. కానీ ఇప్పుడు ఆ అగ్రిమెంట్ రద్దు అయ్యింది, మూడు వారాల్లోపు స్ట్రీమింగ్ చేసుకునే అవకాశం ఇస్తే, అదనంగా 5 కోట్ల రూపాయిలు ఇస్తామని అమెజాన్ ప్రైమ్ సంస్థ ఆఫర్ ఇచ్చిందట. ఆ లెక్క ప్రకారం ఈ సినిమా ఈ నెల 16 వ తేదీ నుండి అమెజాన్ ప్రైమ్ లో అందుబాటులోకి రానుంది.
