King Nagarjuna : సంక్రాంతి సీజన్ లో ఏ హీరో సినిమా ఉన్నా లేకున్నా… కింగ్ నాగార్జున నుంచి మూవీ రిలీజ్ రేస్ లోకి వచ్చింది అంటే అది పక్కా హిట్ అనే నమ్మకం ఆడియన్స్ లో ఉంది. సోగ్గాడే చిన్నినాయన, బంగార్రాజు సినిమాలు ఈ నమ్మకాన్ని మరింత ఎక్కువగా పెంచాయి. లేటెస్ట్ గా సంక్రాంతికి నాగార్జున నా సామిరంగ సినిమాతో ఆడియన్స్ ముందుకి వచ్చి మరో హిట్ కొట్టాడు. జనవరి 14న పక్కా ఫ్యామిలీ ఎంటర్టైనర్ తో థియేటర్స్ లోకి వచ్చాడు కింగ్ నాగ్. విజయ్ బిన్నీ మాస్టర్ డైరెక్టర్ గా మారుతూ తెరకెక్కించిన ఈ సినిమా పండగ సీజన్ ని కంప్లీట్ గా కాష్ చేసుకుంది. బాక్సాఫీస్ దగ్గర 50 కోట్లు రాబట్టి అక్కినేని ఫ్యాన్స్ ని ఫుల్ జోష్ లోకి తెచ్చింది నా సామిరంగ. అల్లరి నరేష్, నాగార్జున కాంబినేషన్ లోని సీన్స్ నా సామిరంగ సినిమాని ఫ్యామిలీ ఆడియన్స్ కి దగ్గర చేసింది.
థియేట్రికల్ రన్ కంప్లీట్ చేసుకున్న నా సామిరంగ సినిమా… నాలుగు వారాల విండో కంప్లీట్ చేసుకోని ఒటీటీలోకి వచ్చేసింది. ఈరోజు నుంచి డిస్నీ ప్లస్ హాట్ స్టార్ లో నా సామిరంగ సినిమా స్ట్రీమింగ్ స్టార్ట్ అయ్యింది. దీంతో సోషల్ మీడియాలో అక్కినేని అభిమానులు హంగామా చేస్తున్నారు. నాగార్జున చైన్ లాగిన సీన్ ని సోషల్ మీడియాలో ట్రెండ్ చేస్తున్నారు. అక్కినేని అభిమానులనే కాదు ఫ్యామిలీ ఆడియన్స్ ని థియేటర్స్ లో ఇంప్రెస్ చేసింది కాబట్టి ఒటీటీలో కూడా నా సామిరంగ మంచి వ్యూవర్షిప్ ని సొంతం చేసుకోవడం గ్యారెంటీ.