ఇప్పటికే ఈ చిత్రం నుండి విడుదలైన గ్లిమ్స్, టీజర్ మరియు పాటలకు ఆడియన్స్ నుండి సెన్సేషనల్ రెస్పాన్స్ వచ్చింది. ఈ చిత్రం బాలీవుడ్ లో అజయ్ దేవగన్ హీరో గా నటించిన సూపర్ హిట్ చిత్రం ‘రైడ్’ కి రీమేక్ గా తెరకెక్కింది. పేరుకి రీమేక్ కానీ , కేవలం స్టోరీ లైన్ ని తీసుకొని మన కమర్షియల్ మూవీ ఆడియన్స్ కి తగ్గట్టుగా మార్పులు చేర్పులు చేసి ఈ చిత్రాన్ని తెరకెక్కించాడు. అయితే రీసెంట్ గానే ఈ సినిమాకి సంబంధించిన మొదటి కాపీ ని ప్రసాద్ ల్యాబ్స్ లో కొంతమంది సినీ ప్రముఖులకు, పలు ప్రాంతాలకు సంబంధించిన డిస్ట్రిబ్యూటర్స్ కి వేసి చూపించారు. వారి నుండి ఈ సినిమాకి అద్భుతమైన రిపోర్ట్ వచ్చింది.
ముఖ్యంగా రవితేజ, జగపతి బాబు మధ్య నువ్వా నేనా అంటూ సాగే సన్నివేశాలు ఈ చిత్రానికి హైలైట్ గా నిల్చాయట. రవితేజ ని ఒక పర్ఫెక్ట్ కమర్షియల్ సినిమా లో చూపిస్తే ఆడియన్స్ అందరికీ పండగే, బాక్స్ ఆఫీస్ వద్ద కాసుల కనకవర్షం కురుస్తుంది. ఈ చిత్రం ఆ విధంగానే ఉంటుందట. అలాగే ఈ సినిమా ద్వారా హీరోయిన్ గా ఇండస్ట్రీ కి పరిచయమైన భాగ్యశ్రీ భోర్సే నటన, అందచందాలు కూడా ఈ చిత్రానికి హైలైట్ గా నిల్చినట్టు సమాచారం. ఓవరాల్ గా చాలా కాలం నుండి ఒక్క పర్ఫెక్ట్ కమర్షియల్ సినిమా కోసం ఎదురు చూస్తున్న ప్రేక్షకులకు ఈ చిత్రం ఒక విందు భోజనం లాగ ఉండబోతుందని సమాచారం. మరి ఈ రివ్యూ లో ఎంతవరకు నిజం అవుతుందో చూడాలి.
