Michaeal Jacskon : యావత్ ప్రపంచాన్నే తన డ్యాన్స్ తో ఓ ఊపు ఊపేసిన పాప్ సింగర్ మైఖేల్ జాక్సన్ బయోపిక్ రానున్న సంగతి తెలిసిందే. ఎంతో ప్రతిష్టాత్మకంగా రూ.1000 కోట్ల భారీ బడ్జెట్ తో తెర‌కెక్కుతుంది ఈ సినిమా. చిత్రానికి మైఖేల్ అనే టైటిల్ కూడా ఖరారు చేశారు. ఈ సినిమాలో మైఖేల్ జాక్సన్ సోదరుడు జర్మన్ జాక్సన్ కొడుకు జాఫర్ జాక్సన్ నటిస్తున్నాడు. జాఫర్ అచ్చం మైఖేల్ జాక్సన్ ను పోలి ఉంటాడు. అలాగే జాఫర్ నడక, డ్యాన్స్ ఇలా అన్నీ మైఖేల్ నే పోలి ఉండడంతో ఆ పాత్రకు జాఫర్ తప్ప మరెవరు ఇంతలా సెట్ అవ్వరని సినిమా డైరెక్టర్ ఆంటోయిన్ ఫుక్వా, నిర్మాత గ్రహం కింగ్ భావించినట్లు తెలుస్తోంది.
ఇప్పటికే ఈ సినిమాకు సంబంధించిన జాఫర్ లుక్ రిలీజై సోషల్ మీడియాలో తెగ వైర‌ల్‌ అవుతోంది. ఈ ఫ‌స్ట్ లుక్ పోస్టర్ చూసిన వారంతా జాఫర్ అచ్చం మైఖేల్ లాగే ఉన్నాడని.. మైఖేల్ మళ్లీ బతికి వచ్చినట్లే ఉండంటూ.. తమ అభిప్రాయాన్ని కామెంట్ల రూపంలో వ్యక్తం చేస్తున్నారు. కాగా మైఖేల్ జాక్సన్ జీవితంలో కొన్ని వివాదాలు కూడా ఉన్నాయి. వాటిలో చిన్నారులపై లైంగిక వేధింపులకు పాల్పడ్డాడనే వివాదం కూడా ఒకటి. అయితే మైఖేల్‌ను ఇన్నోసెంట్ వ్యక్తిగా.. ఈ పాప్ సింగర్ చిన్నారులను వేధించలేదనే.. కోణంలో ఈ సినిమాని ఆంటోయిన్ తెరకెక్కించనున్నాడట.
ఇప్పటివరకు హాలీవుడ్‌లో రూపొందిన అన్ని బయోపిక్లలో అత్యంత భారీ బడ్జెట్లో తెరకెక్కుతున్న బయోపిక్ మైఖేల్‌దే అంటూ ఫిలిం సర్కిల్ నుంచి వార్తలు వినిపిస్తున్నాయి. రూ.1000 కోట్లకు పైగా ఈ సినిమాకు బడ్జెట్‌ను కేటాయిస్తున్నారట. వచ్చే ఏడాది ఏప్రిల్ 18న ఈ సినిమా ప్రేక్షకులు ముందుకు రాబోతుంది. భారీ అంచనాల నడుమ రిలీజ్ కానున్న మైఖేల్ సినిమాకు పెట్టిన పెట్టుబడులు రెండింతలు అంటే దాదాపు రూ.2000 కోట్లు వసూలు చేస్తుందని మేకర్స్‌తో పాటు.. మైఖేల్ జాక్సన్ అభిమానులు కూడా అంచనాలు వేస్తున్నారు. ఇక 2009 జూన్ 25న మైఖేల్ మరణించిన విషయం తెలిసిందే.