Thaman ఇండియా లోనే మోస్ట్ టాలెంటెడ్ సంగీత దర్శకులలో ఒకడు మణిశర్మ. మెగాస్టార్ చిరంజీవి హీరో గా నటించిన ‘చూడాలని ఉంది’ సినిమా ద్వారా ఈయన ఇండస్ట్రీ కి సంగీత దర్శకుడిగా పరిచయమయ్యాడు. ఆ సినిమా తో మొదలైన మణిశర్మ సినీ ప్రస్థానం మళ్ళీ వెనక్కి తిరిగి చూసుకోలేదు. వరుసగా స్టార్ హీరోల సినిమాలకు సంగీతం అందిస్తూ చిన్న పిల్లల దగ్గర నుండి పెద్దవాళ్ళ వరకు ప్రతీ ఒక్కరు ఊగిపోయే రేంజ్ బాణీలతో ప్రభంజనం సృష్టించిన స్టార్ మ్యూజిక్ డైరెక్టర్ ఆయన.
ఇప్పుడంటే థమన్, దేవిశ్రీప్రసాద్ దాటికి అవకాశాలు తగ్గిపోయాయి కానీ, 2010 వ సంవత్సరం వరకు దశాబ్ద కాలం పాటు మణిశర్మ మేనియా ఇండియా మొత్తాన్ని ఒక ఊపు ఊపింది. సంగీత దర్శకుడు థమన్ కూడా ఈయన శిష్యుడే. ఇకపోతే మణిశర్మ ఇండస్ట్రీ లోకి అడుగుపెట్టి 30 ఏళ్ళు పూర్తైన సందర్భంగా సూపర్ సింగర్ కార్యక్రమం లో ఆయనకీ ఘనంగా సన్మానం చేసారు.
ప్రతీ శని, ఆదివారాల్లో ప్రసారమయ్యే ఈ పాటల కాంపిటీషన్ లో ఈ వారం కేవలం మణిశర్మ సినిమాలకు సంబంధించిన పాటలే పాడబోతున్నారు. ఈ ప్రోగ్రాం లో ఒక జడ్జి గా వ్యవహరిస్తున్న అనంత శ్రీరామ్ మణిశర్మ ని ఒక ప్రశ్న అడుగుతూ ‘ మీకు పాట నచ్చకపోతే స్పీకర్లు పగలగొడుతారు అంట కదా’ అని అంటాడు. అప్పుడు మణిశర్మ దానికి సమాధానం చెప్తూ ‘నేనెప్పుడూ అలా చెయ్యలేదు. ఇది మీకు కచ్చితంగా ఆ థమన్ గాడే చెప్పి ఉంటాడు. వాడు చెప్పేవన్నీ అబద్దాలే’ అంటూ మణిశర్మ చెప్పుకొచ్చాడు.
అలా ఈ ఎపిసోడ్ మొత్తం సరదాగా సాగిపోయింది. ఇకపోతే మణిశర్మ ప్రస్తుతం రామ్ – పూరి జగన్నాథ్ కాంబినేషన్ లో తెరకెక్కుతున్న ‘డబుల్ ఇస్మార్ట్’ సినిమాకి సంగీతం అందిస్తున్నాడు. ఈ సినిమాకి మొదటి భాగం గా వచ్చిన ‘ఇస్మార్ట్ శంకర్’ లో పాటలు ఏ రేంజ్ హిట్ అయ్యాయో మన అందరికీ తెలిసిందే. ఆ రేంజ్ లో సీక్వెల్ కి కూడా ఇస్తాడో లేదో చూడాలి.
